ప్రపంచ టెస్టు ఛాంపియన్షిప్ సజావుగా సాగడంపై ఓ వైపు అనుమానాలు ఉన్నప్పటికీ.. షెడ్యూల్ ప్రకారమే ఫైనల్ మ్యాచ్ నిర్వహించేందుకే ఐసీసీ ఆసక్తితో ఉంది. నిరుడు మొదలైన ఈ ఛాంపియన్షిప్ ఫైనల్ వచ్చే ఏడాది జరగాల్సి ఉంది. అయితే కరోనా కారణంగా పరిస్థితులు తలకిందులయ్యాయి. ఈ ఏడాది ఇప్పటికే చాలా టెస్టు సిరీస్లు రద్దయ్యాయి లేదా వాయిదాపడ్డాయి. ఇలాంటి పరిస్థితుల్లలోనూ షెడ్యూల్ ప్రకారమే ఫైనల్ నిర్వహించేందుకే ఐసీసీ మొగ్గుచూపుతోందని ఇంగ్లాండ్, వేల్స్ క్రికెట్ బోర్డు సీఈఓ టామ్ హారిసన్ వెల్లడించాడు.
డబ్ల్యూటీసీలో భాగంగా ఇప్పటివరకూ భారత్, ఇంగ్లాండ్, పాకిస్థాన్ నాలుగు చొప్పున.. ఆస్ట్రేలియా, న్యూజిలాండ్ మూడేసి సిరీస్లు ఆడాయి. శ్రీలంక్, వెస్డిండీస్, దక్షిణాఫ్రికా, బంగ్లాదేశ్లు రెండు సిరీస్లు చొప్పున ఆడాయి. ఈ నేపథ్యంలో అన్ని జట్లకు సమానంగా మ్యాచ్లు నిర్వహించి... ఐసీసీ ఫైనల్ ఎలా నిర్వహిస్తుందన్నది ఆసక్తికరం.
ఇదీ చూడండి ఎనిమిదేళ్ల తర్వాత ఫ్రెంచ్ ఓపెన్ క్వార్టర్స్కు..
