టీమ్ఇండియా క్రికెటర్ కృనాల్ పాండ్యలోనూ ఓ రొమాంటిక్ ప్రేమికుడు దాగున్నాడంటోంది అతని భార్య పంఖూరి శర్మ. కృనాల్ ప్రపోజ్ చేసినప్పటి సంఘటన ఇప్పటికీ గుర్తుందని తాజాగా ఓ ముఖాముఖిలో తెలిపింది.
ఐపీఎల్ 2017 సీజన్లో ముంబయి ఇండియన్స్, రైజింగ్ పుణె సూపర్జైంట్ జట్ల మధ్య ఫైనల్ జరిగింది. అందులో ముంబయి ఘనవిజయం సాధించగా.. 47 పరుగులు సాధించి జట్టు విజయంలో భాగమైన కృనాల్ పాండ్యకు 'మ్యాన్ ఆఫ్ ద మ్యాచ్' అవార్డు లభించింది. ఆ సందర్భంలో ఆటగాళ్ల ముందే తనను పెళ్లి చేసుకో అంటూ ప్రపోజ్ చేశాడని తెలిపింది అతని భార్య పంఖూరి శర్మ.
"కృనాల్ నాకు ఎలా ప్రపోజ్ చేశాడో ఇప్పటికీ గుర్తుంది. 2017 ఐపీఎల్ ఫైనల్ విజయం తర్వాత కృనాల్ గదిలో నేను, హార్దిక్ వేచి ఉన్నాం. అంతలోనే కృనాల్ పాట పాడుకుంటూ గదిలోకి వచ్చాడు. అతడితో పాటు కొంతమంది ముంబయి ఆటగాళ్లు వచ్చారు. వెంటనే నన్ను నిల్చోమని చెప్పి పెళ్లి చేసుకుంటావా అని అడిగాడు. నా జీవితంలో మర్చిపోలేని సన్నివేశమది."
-- పంఖూరి శర్మ, కృనాల్ పాండ్య భార్య
ఈ విషయం గురించి కృనాల్ను ప్రశ్నించగా.. పంఖూరి పెళ్లికి అంగీకరిస్తుందనే నమ్మకంతోనే తన ప్రేమను వ్యక్తపరిచానని అన్నాడు. ఆ ఏడాది డిసెంబరు 27న వారిద్దరూ వివాహం చేసుకున్నారు.
ఇదీ చూడండి.. 'నా కెరీర్లో బాగా ఇబ్బంది పెట్టిన గాయమదే!'
