వరుస విజయాలతో హైదరాబాద్.. పరాజయాలతో దిల్లీ.. ఎలిమినేటర్ పోరులో భాగంగా ఈ రెండు జట్లు ఆదివారం అబుదాబి వేదికగా తలపడనున్నాయి. ఈ నేపథ్యంలో సన్రైజర్స్ గెలుపుపై హైదరాబాద్ యువకులు ధీమాగా ఉన్నారు. ఈ మ్యాచ్లో దిల్లీపై విజయం సాధించి తమ అభిమాన జట్టు ఫైనల్కు దూసుకెళ్తుందని అంటున్నారు. వార్నర్ సేన సమష్టి ప్రదర్శనతో అదరగొడుతున్నారని చెబుతున్నారు. మొదటి నుంచి ఆటగాళ్లంతా కష్టపడి ఆడుతున్నారని చెప్పారు.
వార్నర్, హోల్డర్, విలియమ్సన్, మనీశ్, ప్రియమ్ గార్గ్లు.. బ్యాటింగ్లో అదరగొడతారని చెప్పిన హైదరాబాద్ కుర్రాళ్లు.. రషీద్ ఖాన్, సందీప్ శర్మ, నటరాజన్లు బౌలింగ్తో ప్రత్యర్థులను చిత్తు చేస్తారని విశ్వాసం వ్యక్తం చేస్తున్నారు. ప్రపంచస్థాయి ఆటగాళ్లున్న దిల్లీతో మ్యాచ్ రసవత్తరంగా సాగుతుందని అభిప్రాయం వ్యక్తం చేశారు. కానీ, విజయం మాత్రం వార్నర్ సేనదేనని తెలిపారు.
2016లో హైదరాబాద్ సాధించిన విజయాన్నే ఈ సారి తిరిగి నమోదు చేస్తుందని ఇక్కడి యువత అంటున్నారు. ఫైనల్లోనూ ముంబయిపై గెలిచి కప్ సొంతం చేసుకుంటారని అన్నారు.
ఇదీ చూడండి:దిల్లీ vs హైదరాబాద్: ఫైనల్కు వెళ్లేది ఎవరు?
