తొలి టెస్టులో భారత్పై ఇంగ్లాండ్ ఘన విజయం సాధించడంలో సీనియర్ ఫాస్ట్ బౌలర్ అండర్సన్ కీలక పాత్ర పోషించాడు. అద్భుత బౌలింగ్ నైపుణ్యంతో గిల్, రహానె, పంత్లను తక్కువ స్కోర్లకే పెవిలియన్ చేర్చాడు. అయితే ఆసియా పరిస్థితుల్లో అండర్సన్, స్టెయిన్ల ప్రదర్శనలను పోల్చడంపై సరదాగా స్పందించాడు స్టెయిన్.
"ఇప్పుడు అవసరమైన పోలిక ఏంటంటే.. జిమ్మీ (అండర్సన్) ఇంకా దూసుకుపోతుంటే.. నేను మాత్రం నా సోఫాలో కూర్చుని మ్యాచ్ చూస్తున్నా. అతడు ఓ దిగ్గజం. వయసు పెరిగే కొద్దీ మరింత గొప్పగా రాణిస్తున్నాడు." అని స్టెయిన్ ట్వీట్ చేశాడు.
ద్విశతకంతో అదరగొట్టిన ఇంగ్లాండ్ కెప్టెన్ జో రూట్ కూడా తన సహఆటగాడు అండర్సన్ను పొగడ్తల్లో ముంచెత్తాడు. అతడి ప్రదర్శన చూస్తుంటే 2005లో ఆస్ట్రేలియాను అద్భుత బౌలింగ్తో వణికించిన ఫ్లింటాఫ్ గుర్తుకొచ్చాడని చెప్పాడు.
చెన్నైలో భారత్తో జరిగిన తొలి టెస్టులో 227 పరుగుల భారీ తేడాతో గెలిచింది ఇంగ్లాండ్. రూట్, స్టోక్స్ మెరుపులతో పాటు 6 వికెట్లతో లీచ్, 5 వికెట్లతో అండర్సన్ టీమ్ఇండియాను దెబ్బతీశారు.
ఇదీ చూడండి: 'పుజారాను ఎదుర్కోవడమంటే యుద్ధం చేసినట్లే'
