తన కెరీర్ ప్రారంభంలో బ్రెట్లీ(ఆస్ట్రేలియా), స్టెయిన్(దక్షిణాఫ్రికా)లను ఎదుర్కొనేందుకు తీవ్రంగా ఇబ్బందులు పడ్డానని చెప్పాడు భారత స్టార్ క్రికెటర్ రోహిత్ శర్మ. లాక్డౌన్తో ఇంట్లోనే ఉన్న ఈ ఓపెనర్.. బౌలర్ షమితో జరిగిన లైవ్చాట్లో ఈ విషయాన్ని వెల్లడించాడు.
"నేను టీమిండియాలోకి వచ్చినప్పుడు బ్రెట్లీ అత్యంత వేగవంతమైన బౌలర్. దక్షిణాఫ్రికాతో నా తొలివన్డే ఆడేందుకు ఐర్లాండ్ వెళ్లా. ఆ జట్టులోని స్టెయిన్ వేగంగా బంతులేశాడు. అప్పట్లో వీరిద్దరిని ఎదుర్కొనేందుకు బాగా ఇబ్బందిపడ్డా. ప్రస్తుతం అయితే రబాడా(దక్షిణాఫ్రికా), హేజిల్వుడ్(ఆస్ట్రేలియా) చక్కని బౌలర్లు" -రోహిత్ శర్మ, స్టార్ ఓపెనర్
బ్రెట్ లీ- రోహిత్ శర్మ-స్టెయిన్
2007లో దక్షిణాఫ్రికా, ఐర్లాండ్, టీమిండియా మధ్య జరిగిన ముక్కోణపు సిరీస్తో అంతర్జాతీయ కెరీర్ను ప్రారంభించాడు రోహిత్ శర్మ. ఆ తర్వాత పలుస్థానాల్లో బ్యాటింగ్ చేసిన ఇతడు.. 2013 నుంచి ఓపెనర్గా జట్టుకు సేవలందిస్తున్నాడు.
ఇప్పటివరకు వన్డేల్లో మూడు ద్విశతకాలు చేసి, ఎవరికీ సాధ్యం కాని రికార్డును సొంతం చేసుకున్నాడు. గతేడాది వన్డే ప్రపంచకప్లోనూ సత్తా చాటిన హిట్మ్యాన్.. 648 పరుగులు చేసి, ప్లేయర్ ఆఫ్ టోర్నీగా నిలిచాడు. ఇందులో ఐదు సెంచరీలు బాది, ఓ ప్రపంచకప్లో ఇన్ని శతకాలు చేసిన తొలి బ్యాట్స్మన్గా చరిత్ర సృష్టించాడు. ప్రస్తుతం టీమిండియాకు ఉపసారథిగా ఉన్న రోహిత్.. 224 వన్డేలు, 32 టెస్టులు, 108 టీ20లు ఆడాడు.
