శ్రీలంక దిగ్గజ క్రికెటర్ కుమార సంగక్కర స్వీయ నిర్బంధంలోకి వెళ్లాడు. కరోనా వ్యాప్తి కారణంగా ఆ దేశ ప్రభుత్వం ఆదేశాల మేరకు ఈ నిర్ణయం తీసుకున్నాడు. తనకు వైరస్ లక్షణాలు ఏమీ లేవనీ, కానీ ప్రభుత్వ ఆదేశాలను పాటించడం తన బాధ్యతని తెలిపాడు.
"నాకు కరోనాకు సంబంధించిన లక్షణాలు ఏమీ లేవు, కానీ ప్రభుత్వం ఇచ్చిన ఆదేశాలను ఫాలో అవుతున్నా. వారం క్రితం లండన్ నుంచి వచ్చా. ఓ న్యూస్లో చూసి క్వారంటైన్ విషయం తెలుసుకున్నా. పోలీసుల వద్ద రిజిస్టర్ చేయించుకుని స్వీయ నిర్బంధంలో ఉంటున్నా."
-సంగక్కర, శ్రీలంక మాజీ క్రికెటర్
గిలెస్పీ కూడా స్వీయ నిర్బంధంలోనే
ఆస్ట్రేలియా మాజీ క్రికెటర్ జాసన్ గిలెస్పీ కూడా స్వీయ నిర్బంధంలోకి వెళ్లాడు. ఇంగ్లాండ్లో కొద్ది రోజుల పాటు అన్ని క్రీడలను రద్దు చేయగా స్వదేశం చేరుకున్న గిలెస్పీ సెల్ఫ్ క్వారంటైన్లో ఉంటున్నట్లు తెలిపాడు. ప్రస్తుతం ఇంగ్లీష్ కౌంటీ జట్టు అయిన ససెక్స్కు కోచ్గా పనిచేస్తున్నాడీ ఆటగాడు.
