వైరల్​: రోహిత్​ను కిందపడేసిన అభిమాని

పుణె వేదికగా భారత్​- దక్షిణాఫ్రికా మధ్య జరుగుతున్న రెండో టెస్టు మ్యాచ్​లో రక్షణ వలయం ఛేదించుకొని ఓ యువకుడు మైదానంలోకి ప్రవేశించాడు. విశాఖ టెస్టులోనూ ఇదే విధంగా జరగడంపై టీమిండియా భద్రత అంశం చర్చనీయాంశమైంది.

పుణె వేదికగా దక్షిణాఫ్రికాతో జరుగుతున్న రెండో టెస్టులో మరోసారి భద్రతా వలయాన్ని దాటేశాడు ఓ యువకుడు. నేరుగా మైదానంలోకి వెళ్లి రోహిత్​ కాళ్లపై పడ్డాడు. రోహిత్​ అతడిని వారిస్తూ కిందపడిపోయాడు. ఇలాంటి ఘటనలతో టీమిండియా భద్రతపై నెట్టింట చర్చ జరుగుతోంది.

రోహిత్​ పాదాలపై పడిన అభిమాని

కింద పడిన రోహిత్​

సిరీస్​లో మూడోసారి...

సఫారీల పర్యటనలో మూడోసారి ఇలాంటి ఘటన జరిగింది. విశాఖ వేదికగా జరిగిన తొలి టెస్టులోనూ ఓ అభిమాని ఇలానే విరాట్​తో షేక్​ హ్యాండ్ ఇచ్చి సెల్ఫీ కోసం ప్రయత్నించాడు. మొహాలీ వేదికగా జరిగిన రెండో టీ20లో ఓ అభిమాని మైదానంలోకి రావడం వల్ల మ్యాచ్​కు రెండుసార్లు అంతరాయం కలిగింది.

అభిమానిని తీసుకెళ్తోన్న మైదాన రక్షణ సిబ్బంది