టీమిండియా చైనామన్‌ బౌలర్‌ కుల్దీప్ యాదవ్ తన మణికట్టు మాయాజాలంతో బ్యాట్స్‌మెన్‌ను గందరగోళంలోకి నెట్టేస్తాడు. అద్భుతమైన బంతులతో ఉక్కిరిబిక్కిరి చేసి వికెట్లు పడగొడతాడు. పరుగులను నియంత్రిస్తాడు. అయితే ఇటీవల కాలంలో జట్టులో చోటు దక్కించుకునేందుకు, వికెట్లు తీసేందుకు కాస్త ఇబ్బందిపడుతున్నాడు. తాజాగా ఈటీవీ భారత్తో ముచ్చటించిన అతడు.. పలు ఆసక్తికర విషయాలు పంచుకున్నాడు.
డిప్రెషన్కు గురయ్యారా?
అండర్-15లో చోటు దక్కనప్పుడు బాధపడినట్లు వార్తలు వచ్చాయి. అయితే అవి అవాస్తవం. అయితే భారత జట్టులో చోటు దక్కలేదని కాస్త నిరాశకు గురయ్యా.
కాన్పూర్ ప్రత్యేకమా?
నా స్వస్థలం కాన్పూర్. ఇక్కడే క్రికెట్ పాఠాలు నేర్చుకున్నా. అందుకే ఈ ప్రాంతమంటే బాగా ఇష్టం. ఇప్పటికీ ఇక్కడ మైదానంలో బౌలింగ్ చేస్తుంటే మంచి అనుభూతి కలుగుతుంది.
ధోనీ భాయ్ దేశానికి చాలా చేశాడు. కచ్చితంగా అతడు జట్టులో లేకపోవడం లోటు. అందుకే చాలా మిస్ అవుతున్నాం. అయితే కేఎల్ రాహుల్, రిషభ్ పంత్ కీపింగ్, బ్యాటింగ్లో మంచి ప్రదర్శన చేస్తున్నారు.
అప్పుడు ఏడ్చారా..?
గతేడాది ఈడెన్ గార్డెన్స్ వేదికగా రాయల్ ఛాలెంజర్స్, కోల్కతా నైట్రైడర్స్ మ్యాచ్ జరిగింది. నా బౌలింగ్లో ఆర్సీబీ బ్యాట్స్మన్ మొయిన్ అలీ భారీగా పరుగులు రాబట్టాడు. నా ఓవర్లో ఏకంగా రెండు ఫోర్లు, మూడు సిక్సర్లు బాదేశాడు. ఆ సమయంలో కాస్త భావోద్వేగానికి గురయ్యా కానీ ఏడవలేదు. గతేడాది ఐపీఎల్ నాకు పెద్దగా కలిసి రాలేదు. వికెట్లు తీయడానికి ఇబ్బందిపడ్డా. కానీ ఈ ఏడాది ఐపీఎల్లో రాణించేందుకు బాగా సన్నద్ధం అవుతున్నాను.
