సెప్టెంబర్ 26 నుంచి అక్టోబర్ 3 వరకు బెల్జియం, స్పెయిన్తో ఐదు మ్యాచ్లు ఆడనుంది టీమిండియా హాకీ జట్టు. అందుకోసం ఆదివారం నాడు బెల్జియం బయలుదేరారు ఆటగాళ్లు. ఈ టూర్ భారత్కు చాలా ముఖ్యమైందని తెలిపాడు ప్రధాన కోచ్ గ్రాహం రీడ్. ఈటీవీ భారత్కు ఇచ్చిన ఇంటర్వ్యూలో తన మనసులోని మాటల్ని వెల్లడించాడు.
"ప్రస్తుతం టీమిండియా జట్టు బలంగా ఉంది. ఆటగాళ్ల అనుభవం మాకు కలిసొస్తుంది. ఈ సిరీస్తో జట్టులోని లోపాల్ని సరిదిద్దుకునేందుకు మంచి అవకాశం లభిస్తుంది. ఒలింపిక్స్ క్వాలిఫయర్స్ ముందు ఈ మ్యాచ్లు చాలా ముఖ్యమైనవి."
-గ్రాహం రీడ్, హాకీ కోచ్
ఒలింపిక్స్లో పతకం గురించి మాట్లాడుతూ.. అది చాలా కఠినమైన సవాలని తెలిపాడు.
"ఒలింపిక్స్లో పతకం గెలవడం చాలా కష్టమైంది. ప్రతి జట్టు అందుకోసం శ్రమిస్తుంది. అందివచ్చిన అవకాశాల్ని సద్వినియోగం చేసుకుని టోర్నీలో సత్తాచాటడానికి ప్రయత్నిస్తాం."
-గ్రాహం రీడ్, హాకీ కోచ్
సెప్టెంబర్ 26న జరగనున్న పోరులో బెల్జియంతో తలపడనుంది భారత జట్టు. అనంతరం 28, 29న స్పెయిన్తో రెండు మ్యాచ్లు ఆడనుంది. తర్వాత బెల్జియంతో అక్టోబర్ 1,3న తలపడనుంది.
ఇవీ చూడండి.. వైరల్: 11 ఓవర్లలో 5 పరుగులే కష్టమైన వేళ...!
