ఆస్ట్రేలియా మాజీ సారథి, సీనియర్ క్రికెటర్ స్టీవ్ స్మిత్ గురించి ఆసక్తికర వ్యాఖ్యలు చేశాడు మాజీ ఆసీస్ క్రికెటర్ డీన్ జోన్స్. టీ20 జట్టులో స్మిత్కు బదులు పవర్ హిట్టర్లయిన మ్యాక్స్వెల్ లాంటి వారికి అవకాశం ఇవ్వాలని సూచించాడు. అలాగే టెస్టు జట్టుకు టిమ్ పైన్ను కెప్టెన్గా కొనాసాగించాలని తెలిపాడు. బాల్టాంపరింగ్ కారణంగా రెండేళ్లు కెప్టెన్సీ నిషేధం ఎదుర్కొన్నాడు స్మిత్. ఈ నిషేధం ఇటీవల పూర్తయింది.
"టిమ్ పైన్ జట్టును బాగానే నడిపిస్తున్నాడు. అయితే స్మిత్ ఇంకా కెప్టెన్సీని కోరుకుంటున్నాడా? అలా అనుకోవడం లేదని నేను భావిస్తున్నా. అలాగే స్మిత్ టీ20 జట్టుకు సరిపోతాడా? నాకు తెలిసి స్మిత్ది బంతిని బలంగా బాదే స్వభావం కాదు. ప్రస్తుతం ఆరోన్ ఫించ్ కూడా పరిమిత ఓవర్ల జట్టును ముందుకు తీసుకెళ్తున్నాడు."
-డీన్ జోన్స్, ఆస్ట్రేలియా మాజీ క్రికెటర్
స్మిత్ ఇప్పటివరకు 39 టీ20లు ఆడాడు. 681 పరుగులు చేశాడు. ఇందులో నాలుగు అర్ధసెంచరీలు ఉన్నాయి. 2010, 2016 టీ20 ప్రపంచకప్ జట్టులో సభ్యుడిగా ఉన్నాడు. ఈ మెగాటోర్నీల్లో ఆడిన 11 మ్యాచ్ల్లో 117 పరుగులు చేశాడు. ఒక్క అర్ధ శతకం మాత్రమే నమోదు చేశాడు.
