టీమ్ఇండియా సారథి విరాట్ కోహ్లీతో తనను పోల్చడంపై స్పందించాడు పాకిస్థాన్ క్రికెట్ జట్టు కెప్టెన్ బాబర్ అజామ్. తనకు తానే సాటి అని చెప్పాడు.
"మంచి ఆటగాళ్లతో పోల్చినప్పుడు బాగానే ఉంటుంది. లక్ష్యాన్ని నిర్దేశించుకోవడానికి ఆ ప్రశంసలు బాగా ఉపయోగపడతాయి. మనలో మరింత ఆత్మవిశ్వాసాన్ని పెంచుతాయి. కానీ నా మనస్తత్వం అలా ఉండదు. నాకు నేనే పోటి. నా లక్ష్యాన్ని నేనే నిర్దేశించుకుంటా. బెంచ్మార్క్ను సెట్ చేస్తా. మ్యాచుల్లో గెలిచి పాకిస్థాన్ను విజయపథంలో నడిపించడమే నా లక్ష్యం."
-బాబర్ అజామ్, పాక్ సారథి.
ప్రస్తుతం బాబర్ అజామ్ న్యూజిలాండ్ పర్యటనలో భాగంగా 14 రోజుల నిర్బంధంలో ఉన్నాడు. ఈ పర్యటనలో ఇరు జట్ల మధ్య మూడు టీ20లు, రెండు టెస్టులు జరగాల్సి ఉంది. ఇటీవలే పాక్ జట్టు మూడు ఫార్మాట్లకు కెప్టెన్గా ఎంపికయ్యాడు బాబర్.
