AUS vs ENG 4th Test: ఆస్ట్రేలియా, ఇంగ్లాండ్ తుది జట్లు ఇవే

Ashes 2021: యాషెస్ సిరీస్​లో మరో కీలకపోరుకు రంగం సిద్ధమైంది. సిడ్నీ వేదికగా ఆస్ట్రేలియా-ఇంగ్లాండ్ మధ్య బుధవారం నాలుగో టెస్టు ప్రారంభంకానుంది. ఈ నేపథ్యంలో రెండు జట్లు వారి తుది జట్లను ప్రకటించాయి.

Ashes 2021: సొంతగడ్డపై ఆస్ట్రేలియా ఆధిపత్యంతో ఏకపక్షంగా సాగుతున్న ప్రతిష్ఠాత్మక యాషెస్‌ సమరంలో మరో పోరుకు రంగం సిద్ధమైంది. ఇప్పటికే ఐదు టెస్టుల సిరీస్‌లో తొలి మూడు మ్యాచ్‌ల్లో విజయకేతనం ఎగురవేసి సిరీస్‌ సొంతం చేసుకున్న కంగారూ జట్టు.. బుధవారం ఆరంభమయ్యే నాలుగో టెస్టులోనూ గెలుపే లక్ష్యంగా బరిలో దిగుతోంది. మూలిగే నక్క మీద తాటికాయ పడ్డట్లు ఇప్పటికే పరాజయాల బాధలో ఉన్న ఇంగ్లాండ్‌కు ఇప్పుడు కరోనా కారణంగా కోచ్‌లు కూడా అందుబాటులో లేకుండా పోయారు. ఈ నేపథ్యంలోనే నాలుగో టెస్టు కోసం తుది జట్లను ప్రకటించాయి.

ఇంగ్లాండ్

ఈ సిరీస్​లో ఇప్పటివరకు మంచి ప్రదర్శన కనబర్చిన పేసర్ ఒల్లీ రాబిన్సన్​ గాయం కారణంగా ఈ మ్యాచ్​కు అందుబాటులో ఉండట్లేదు.

తుదిజట్టు

హమీద్, క్రాలే, మలన్, రూట్ (కెప్టెన్), స్టోక్స్, బెయిర్​స్టో, బట్లర్, వుడ్, లీచ్, బ్రాడ్, అండర్సన్

ఆస్ట్రేలియా

కరోనా కారణంగా ఐసోలేషన్​లో ఉన్న ఆసీస్ బ్యాటర్ ట్రెవిస్ హెడ్​ ఈ మ్యాచ్​లో ఆడట్లేదు. దీంతో ఇతడి స్థానంలో ఉస్మాన్ ఖవాజాకు చోటిచ్చింది యాజమాన్యం.

తుదిజట్టు

హారిస్, వార్నర్, లబుషేన్, స్మిత్, ఖవాజా, గ్రీన్, కారే, కమిన్స్ (కెప్టెన్), లియోన్, స్టార్క్, బోలాండ్