క్రీజులోకి ఆలస్యంగా వచ్చిన లంక బ్యాటర్​ - టైమ్​డ్​ అవుట్​గా వెనక్కి, క్రికెట్​ చరిత్రలోనే తొలి ప్లేయర్!​

Angelo Mathews Timed Out : ప్రపంచకప్​లో భాగంగా శ్రీలంక-బంగ్లాదేశ్​ మధ్య జరుగుతున్న మ్యాచ్​లో లంక బ్యాటర్​ ఏంజెలో మాథ్యూస్​ను టైమ్‌డ్‌ అవుట్‌గా ప్రకటించారు అంపైర్లు.

Angelo Mathews Timed Out : 2023 వన్డే ప్రపంచకప్​లో భాగంగా దిల్లీ అరుణ్​ జైట్లీ స్టేడియంలో శ్రీలంక-బంగ్లాదేశ్​ మధ్య జరుగుతున్న మ్యాచ్​లో వివాదాస్పద ఘటన జరిగింది. క్రీజులోకి ఆలస్యంగా వచ్చిన కారణంగా శ్రీలంక ఆల్​రౌండర్​​ ఏంజెలో మాథ్యూస్​ను టైమ్‌డ్‌ ఔట్​ ప్రకటించారు అంపైర్లు. అయితే అంతర్జాతీయ క్రికెట్​ చరిత్రలో ఇలా ఓ బ్యాటర్ ఔటవ్వడం ఇదే తొలిసారి కావడం గమనార్హం.

'హెల్మెట్ సరిగ్గా లేదనే.. ఆలస్యం..'
అంతకుముందు శ్రీలంక బ్యాటర్​ సధీర సమరవిక్రమ ఔట్​ అయిన తర్వాత.. ఆల్​రౌండర్ మాథ్యూస్ బ్యాటింగ్​కు రావాల్సి ఉంది. ఈ క్రమంలో మాథ్యూస్.. దాదాపు దాదాపు 120 సెకన్ల తర్వాత క్రీజులోకి వచ్చాడు. అయితే సగటు బ్యాటర్ క్రీజులోకి ఆలస్యంగా వచ్చాడంటూ.. అతడ్ని టైమ్​డ్‌ ఔట్​గా ప్రకటించాలని బంగ్లా ఆటగాళ్లు అప్పీల్‌ చేశారు. దీంతో మాథ్యూస్​పై టైమ్​డ్​ ఔట్​​ వేటు వేశారు అంపైర్లు. అయితే తాను ధరించే హెల్మెట్‌ పట్టీలు బాగా లేవని.. దానిని మార్చుకునే క్రమంలోనే బ్యాటింగ్​కు రావడం ఆలస్యమైందని మాథ్యూస్‌ మైదానంలో ఉన్న అంపైర్లకు నచ్చజెప్పే ప్రయత్నం చేశాడు. అయినప్పటికీ అతడి వాదనను అంపైర్లు​ ఎరాస్మస్​, రిచర్డ్​ ఇల్లింగ్​వర్త్​​ పట్టించుకోలేదు. దీంతో మాథ్యూస్​ బ్యాటింగ్​ చేయకుండానే పెవిలియన్ బాట పట్టాడు. ఆ సమయంలో శ్రీలంక 24.2 ఓవర్లలో 5 వికెట్ల నష్టానికి 135 పరుగులు చేసింది.

• Angelo Mathews became the first batter in international cricket to be dismissed in this manner 👀
  
  Why was he given out? 🧐#CWC23 #BANvSLhttps://t.co/4VS5s1Nf5s

  — ICC (@ICC) November 6, 2023 " class="align-text-top noRightClick twitterSection" data="

  Angelo Mathews became the first batter in international cricket to be dismissed in this manner 👀
  
  Why was he given out? 🧐#CWC23 #BANvSLhttps://t.co/4VS5s1Nf5s

  — ICC (@ICC) November 6, 2023

  ">

  Angelo Mathews became the first batter in international cricket to be dismissed in this manner 👀
  
  Why was he given out? 🧐#CWC23 #BANvSLhttps://t.co/4VS5s1Nf5s

  — ICC (@ICC) November 6, 2023

ఏంటీ టైమ్​డ్​ ఔట్​​ రూల్​..?
ఐసీసీ నిబంధనల్లోని ఆర్టికల్​ 40.1.1 నిబంధనల ప్రకారం.. బ్యాటర్​ ఔట్​ అయిన తర్వాత లైనప్​లో ఆడాల్సిన మరో బ్యాటర్​ రెండు నిమిషాలు లేదా అంతలోపు మైదానంలోకి రావాల్సి ఉంటుంది. ఒకవేళ సమయం ముగిసిన తర్వాత బ్యాటింగ్​కు దిగితే అతడిని ఆ ఇన్నింగ్స్​ను ఆడేందుకు అనర్హుడిగా ప్రకటిస్తారు అంపైర్లు. ఈ విషయంలో అంపైర్లకు అధికారం ఉంటుంది. ఆర్టికల్​ 40.1.2 ప్రకారం సదరు బ్యాటర్​ను టైమ్​డ్​ ఔట్​గా​ ప్రకటించే పూర్తి అధికారం అంపైర్లకు ఉంటుంది.

దేశీయ క్రికెట్​లో..
అంతర్జాతీయ క్రికెట్‌లో ఒక ఆటగాడు టైమ్​డ్​ ఔటైన సందర్భాలు ఇప్పటి వరకు ఒక్కటి కూడా జరగనప్పటికీ.. దేశీయ క్రికెట్​లో మాత్రం ఇలాంటి ఘటన జరిగింది. 1997లో ఒడిశాలోని కటక్​లో త్రిపుర్​, ఒడిశా జట్ల మధ్య జరిగిన మ్యాచ్​లో హేములాల్ యాదవ్​ అనే ప్లేయర్ టైమ్​డ్​ ఔట్​కు గురయ్యాడు.