టోక్యో ఒలింపిక్స్లో(Olympics) స్వర్ణమే లక్ష్యంగా చెమటోడుస్తున్న భారత స్టార్ షట్లర్ పీవీ సింధు(PV Sindhu).. ఈ మెగాక్రీడల్లో తన ప్రత్యర్థులను చిత్తు చేసేందుకు కొత్త నైపుణ్యాలు, టెక్నిక్స్ నేర్చుకుంటున్నట్లు తెలిపింది. వాటిని అమలు చేసేలా నిరంతరం సాధన చేస్తున్నట్లు వెల్లడించింది.
ఒలిేంపిక్స్కు స్పెయిన్ స్టార్ కరోలినా మారిన్ మోకాలి గాయంతో దూరం కానుంది. ఆమె లేనప్పటికీ పోటీ చాలా తీవ్రంగానే ఉంటుందని సింధు పేర్కొంది. "టాప్-10 ప్లేయర్స్ అందరూ ఒకే సామర్థ్యంతో ఉంటారు. కాబట్టి ఒక్కరు లేనంత మాత్రాన ఈ పోటీలను తక్కువ అంచనా వేయలేం. నేను విశ్రాంతి తీసుకోను. నా వంతుగా మంచి ప్రదర్శన చేయడానికి, ఆటపై మరింత దృష్టి పెట్టి శ్రమిస్తున్నాను" అని చెప్పింది.
వాళ్లు ఆడితే బాగుండేది
కరోనా కారణంగా ఒలింపిక్స్ అర్హత పోటీలు రద్దు అవ్వడం వల్ల స్టార్ ప్లేయర్స్ సైనా నెహ్వాల్(Saina Nehwal), శ్రీకాంత్(Kidambi Srikanth) ఈ మెగాక్రీడలకు దూరమయ్యారు. దీనిపై స్పందించిన సింధు.. వారిద్దరూ ఒలింపిక్స్లో పాల్గొని ఉంటే బాగుండేదని చెప్పింది.
రియో ఒలింపిక్స్లో వెండి పతకంతో సరిపెట్టుకున్న సింధు (PV Sindhu).. 2019లో ప్రపంచ బ్యాడ్మింటన్ ఛాంపియన్షిప్స్లో విజేతగా నిలిచి అదరగొట్టింది. ప్రస్తుతం ఏడో ర్యాంక్లో ఉన్న ఈమె.. ఇప్పటికే మూడు ప్రపంచ ఛాంపియన్షిప్ ఫైనల్స్ ఆడిన అనుభవం, ఆసియన్ గేమ్స్ రజతం, కాంస్య పతకాలు గెలవడం సహా కామన్వెల్త్ క్రీడల్లో వెండి పతకాన్ని గెలుచుకుంది. అదే ఊపులో టోక్యో మెగాక్రీడలకు సిద్ధమవుతోంది.
ఇదీ చూడండి Tokyo Olympics: ఈ ఐదుగురికి పతకాలు పక్కా!
