బాలీవుడ్ నటి విద్యాబాలన్ నటిస్తోన్న తర్వాతి చిత్రం 'షెర్ని'. కరోనా తర్వాత ఈ సినిమా చిత్రీకరణ తాజాగా ప్రారంభమైంది. ప్రస్తుతం మధ్యప్రదేశ్లో షూటింగ్ జరుపుకొంటోంది. దీనికి సంబంధించిన ఫొటోలను నటి ఇన్స్టా స్టోరీస్లో పోస్ట్ చేసింది.
ఈ చిత్రానికి అమిత్ మసూర్కర్ దర్శకత్వం వహిస్తున్నారు. ఇందులో విద్యాబాలన్ అటవీ అధికారిణిగా కనిపించనుంది. అబున్‌దంతియా ప్రొడక్షన్స్ సమర్పణలో టీ-సిరీస్‌ ఫిల్మ్స్ నిర్మిస్తున్న ఈ చిత్రానికి.. భూషణ్‌ కుమార్‌, విక్రమ్‌ మల్హోత్రా, కిషన్‌ కుమార్‌ నిర్మాతలు.
ఇటీవల హ్యూమన్‌ కంప్యూటర్‌ శకుంతలాదేవి జీవితాధారంతా తెరకెక్కిన శకుంతలాదేవి చిత్రంలో నటించింది విద్య. ఈ సినిమా ఓటీటీ ద్వారా విడుదలై ఆకట్టుకుంది.
