బాలకృష్ణ(Nandamuri Balakrishna) సినిమా అంటే ఇద్దరు కథానాయికలు సందడి చేయాల్సిందే! ఆయన నటించిన చిత్రాల్లో ఎక్కువసార్లే ఇద్దరు భామలు మెరిశారు. బాలయ్య మరోసారి ఇరువురి భామలతో కలిసి ఆడిపాడనున్నారు. 'అఖండ' తర్వాత గోపీచంద్ మలినేని (Gopichand Malineni) దర్శకత్వంలో ఓ సినిమా చేయనున్నారు బాలయ్య. మైత్రీ మూవీ మేకర్స్‌ ఆ చిత్రాన్ని నిర్మిస్తోంది.
ప్రస్తుతం చిత్రబృందం కథానాయికల ఎంపికపై దృష్టిపెట్టినట్టు తెలుస్తోంది. త్రిష, శ్రుతిహాసన్‌ పేర్లు ప్రముఖంగా వినిపిస్తున్నాయి. త్రిష ఇదివరకే బాలకృష్ణతో కలిసి నటించింది. 'క్రాక్‌' చిత్రంతో విజయాన్ని అందుకున్న గోపీచంద్ మలినేని.. మరోసారి నిజ జీవిత ఘటనలతోనే ఈ స్క్రిప్టుని సిద్ధం చేస్తున్నారు. యాక్షన్‌ అంశాలకి పెద్ద పీట వేస్తూ దీన్ని తెరకెక్కించనున్నారు.
