ఇటీవల 'గద్దలకొండ గణేష్‌' చిత్రంతో మంచి విజయాన్ని అందుకున్నాడు టాలీవుడ్ యువ నటుడు వరుణ్ తేజ్. ప్రస్తుతం ఆయన కిరణ్‌ కొర్రపాటి దర్శకత్వంలో ఓ సినిమా చేస్తున్నాడు. స్పోర్ట్స్‌ డ్రామాగా తెరకెక్కుతున్న ఈ చిత్రంలో వరుణ్ బాక్సర్ పాత్రలో కనిపించనున్నాడు. ఇందుకోసం ఆయన కఠోర సాధన చేస్తున్నాడు. ఇందుకోసం విదేశాలకు చెందిన ప్రముఖ బాక్సింగ్ ట్రైనర్‌ వద్ద తర్ఫీదు పొందుతున్నాడు.
తాజాగా తన చిన్ననాటి ఫొటోను షేర్ చేశాడు. ఇందులో వరుణ్తేజ్తో సహా అల్లుఅర్జున్, రామ్చరణ్, సాయిధరమ్తేజ్ ఉన్నారు. వీరితో పాటు చిరంజీవి కూతురు సుస్మిత కూడా ఉంది.
తాజా చిత్రంలో వరుణ్ తేజ్ సరసన బాలీవుడ్ భామ కియరా అడ్వాణీ నటించనున్నట్లు సమాచారం. ఇప్పటికే చిత్రబృందం ఆమెను కలిసినట్లు తెలుస్తోంది. మహేశ్ బాబు సరసన 'భరత్ అనే నేను', రామ్ చరణ్కు జోడీగా 'వినయ విధేయ రామ' చిత్రాల్లో నటించింది కియరా. అల్లు అరవింద్ సమర్పణలో ఈ సినిమా రూపొందుతోంది. డిసెంబరు నుంచి రెగ్యులర్ షూటింగ్ జరుపుకోనుందీ చిత్రం. ఈ సినిమాకు పేరు ఇంకా ఖరారు కాలేదు. వీటీ10 అనే వర్కింగ్ టైటిల్తో ప్రారంభమైంది.
