Simbhu Doctorate: తమిళ స్టార్ హీరో శింబుకు అరుదైన గౌరవం దక్కింది. సినీ పరిశ్రమకు ఆయన అందించిన సేవలకుగాను తమిళనాడులోని ప్రముఖ వేల్స్ యూనివర్సిటీ గౌరవ డాక్టరేట్తో సత్కరించింది. ఈ విషయాన్ని శింబు సోషల్మీడియాలో పోస్ట్ చేశారు. ఈ డాక్టరేట్ను తమిళ సినిమాకు, తన తల్లిదండ్రులకు అంకితమిస్తున్నట్లు తెలిపారు.
'రామ్'గా సుశాంత్
Raviteja Ravanasura movie: సుధీర్ వర్మ దర్శకత్వంలో మాస్ మహారాజా రవితేజ హీరోగా నటిస్తున్న సినిమా రావణాసుర. ఈ మూవీలో అక్కినేని మనవడు సుశాంత్ నటిస్తున్నట్లు అధికారికంగా ప్రకటించింది చిత్రబృందం. రామ్గా ఆయన పరిచయం చేస్తూ ఓ కొత్త పోస్టర్ను రిలీజ్ చేసింది. ఇందులో రవితేజ రావణాసురుగా కనిపించనున్నారు. ఈ మూవీని అభిషేక్ పిక్చర్స్, ఆర్ టి టీమ్ వర్క్స్ సంయుక్తంగా నిర్మిస్తున్నాయి.
అనౌన్స్మెంట్ పోస్టర్
Varuntej Gani movie update: హీరో వరుణ్తేజ్ నటించిన కొత్త చిత్రం 'గని'. ఈ సినిమాలోని స్పెషల్ సాంగ్ అనౌన్స్మెంట్ పోస్టర్ను ఉదయం 11.08 గంటలకు రిలీజ్ చేయనున్నట్లు ప్రకటించింది చిత్రబృందం. బాక్సింగ్ నేపథ్యంలో తెరకెక్కిన ఈ చిత్రంలో సయీ మంజ్రేకర్ హీరోయిన్. కిరణ్ కొర్రపాటి దర్శకుడు. సిద్ధు, అల్లు బాబీ సంయుక్తంగా నిర్మిస్తున్నారు.
ఓటీటీలో 'స్కైల్యాబ్'
Skylab ott release date: సత్యదేవ్‌, నిత్యామేనన్‌, రాహుల్‌ రామకృష్ణ ప్రధాన పాత్రల్లో నటించిన చిత్రం 'స్కైలాబ్‌'. 2021 డిసెంబరు 4న థియేటర్లలో విడుదలై ప్రేక్షకుల్ని అలరించిన ఈ సినిమా అతి తర్వలోనే డిజిటల్‌ మాధ్యమంలో సందడి చేయనుంది. ఓటీటీ 'సోనీ లివ్‌'లో జనవరి 14 నుంచి స్ట్రీమింగ్‌ కానుంది. సామాజిక మాధ్యమాల్లో ఈ విషయాన్ని సోనీ లివ్‌ తెలిపింది. ఈ వైవిధ్యభరిత సినిమాకు విశ్వక్‌ ఖండేరావు దర్శకత్వం వహించారు. బైట్‌ ఫ్యూచర్స్‌, నిత్యామేనన్‌ కంపెనీ సంస్థలు సంయుక్తంగా నిర్మించాయి. తనికెళ్ల భరణి, తులసి, విష్ణు తదితరులు కీలక పాత్రలు పోషించిన ఈ సినిమాకి ప్రశాంత్‌ ఆర్. విహారి సంగీతం అందించారు.
- " class="align-text-top noRightClick twitterSection" data="">
ఇదీ చూడండి: అలరిస్తున్న నాగ్ 'బంగార్రాజు' ట్రైలర్
