దేశవ్యాప్తంగా భారీ వర్షాలు కురుస్తున్నాయి. దీనివల్ల ప్రజాజీవనం స్తంభించిపోయింది. అయితే ఈ వానను ఎంజాయ్ చేస్తోంది మిల్కీ బ్యూటీ తమన్నా. ఓవైపు వర్షం పడుతుంటే ఫొటోలు, వీడియోలకు పోజులిస్తూ సందడి చేసింది. ఈ వీడియోను నెట్టింట పంచుకోగా నెటిజన్లు తెగ కామెంట్లు చేస్తున్నారు.
"ప్రకృతి ఒడిలో సమయం చాలా సాధారణంగా గడుస్తుంది. పచ్చికపై వట్టి పాదాలతో నడవడం, సీతాకోక చిలకల్ని అందుకునేందుకు ప్రయత్నించడం, భూతల్లితో మమేకమవడం.. ఇవన్నీ మన జీవితాన్ని రీస్టార్ట్ చేస్తాయి" అంటూ వీడియోకు క్యాప్షన్ జోడించింది తమన్నా.
- " class="align-text-top noRightClick twitterSection" data="
">
ఇటీవలే రెండు వెబ్సిరీస్లతో ప్రేక్షకుల ముందుకు వచ్చింది తమన్నా. హాట్స్టార్లో నవంబర్ స్టోరీ, ఆహాలో ఎలెవన్త్ అవర్తో అలరించింది. ఈ రెండు సిరీస్లు మంచి ఆదరణ దక్కించుకున్నాయి. గోపీచంద్ సరసన నటించిన సీటీమార్ విడుదలకు సిద్ధంగా ఉంది. నితిన్తో అంధాధున రీమేక్ మాస్ట్రో, ఎఫ్3 చిత్రీకరణల్లో పాల్గొంటోంది.
