సెట్లో ఎప్పుడూ హుషారుగా ఉండే సన్నీ లియోనీ తన చిలిపి చేష్టలతో మరోమారు ఆకట్టుకుంటోంది. సామాజిక మాధ్యమాల్లో తాజాగా ఓ పోస్ట్ చేసింది. ఇందులో తన చిత్ర బృందం ధైర్యాన్ని జలగతో పరీక్షించింది.
సన్నీ నటిస్తున్న షేరో సినిమా షూటింగ్ కేరళలో తాజాగా పూర్తి అయింది. షూటింగ్ మధ్యలో సరదాగా గడిపిన వీడియో ఇప్పుడు వైరల్ అవుతోంది.
వీడియోలో సన్నీ.. పుల్లతో ఓ జలగను పట్టుకుని తన సహచర నటులపై వదిలేందుకు ప్రయత్నించింది. తన టీం ధైర్యాన్ని పరీక్షిస్తున్నట్లు చెప్పుకొచ్చింది. ఇది ఇప్పుడు 'లీచ్ ఛాలెంజ్'గా మారింది.
కుట్టనాదన్ మారప్ప దర్శకత్వంలో తెరకెక్కుతున్న ఈ సినిమాలో సన్నీ లీడ్ రోల్లో నటిస్తోంది. ఈ సినిమా కోసం సన్నీ ప్రత్యేకమైన స్టంట్స్ను నేర్చుకుంది. భారత సంతతి అమ్మాయి సార్హ మైక్ పాత్రని సన్నీ పోషిస్తోంది. మలయాళం, తెలుగు, హిందీ భాషల్లో ఈ చిత్రం విడుదలకానుంది.
ఇదీ చదవండి: చిరుకు చెల్లెలిగా టాప్ హీరోయిన్!
