'శ్రీదేవికి.. ఆ 'బంగ్లా'కు ఏ సంబంధం లేదు'

ప్రియా ప్రకాశ్ వారియర్ నటించిన 'శ్రీదేవీ బంగ్లా' సినిమాకు.. నటి శ్రీదేవీ జీవితానికి ఎలాంటి సంబంధం లేదంటున్నాడు నటుడు అర్భాజ్ ఖాన్. ఈ చిత్రంలో అర్భాజ్​ అతిథి పాత్రలో నటించాడు.

ట్రైలర్​తోనే సంచలనం సృష్టించిన బాలీవుడ్ సినిమా 'శ్రీదేవి బంగ్లా'. ప్రియా ప్రకాశ్ వారియర్ ప్రధాన పాత్రలో నటించింది. ఈ చిత్రంలో అతిలోకసుందరి శ్రీదేవి మరణం గురించి చూపించనున్నారని చాలా చర్చే జరిగింది. కానీ ఆమెకు.. ఈ సినిమాకు ఎలాంటి సంబంధం లేదంటున్నాడు నటుడు అర్భాజ్ ఖాన్. ఇందులో అతిథి పాత్రలో కనిపించనున్నాడు.

శ్రీదేవి బంగ్లా చిత్రంలో ప్రియా ప్రకాశ్​తో అర్భాజ్ ఖాన్

చర్చకు కారణమిదేనా..!

ఈ సినిమా ట్రైలర్​ చివర్లో హీరోయిన్ పాత్రధారి ప్రియాప్రకాశ్ వారియర్.. బాత్​టబ్​లో పడి చనిపోయినట్లు ఉంటుంది. సరిగ్గా ఇలాగే 2018, ఫిబ్రవరిలో దుబాయిలో నటి శ్రీదేవి మృతి చెందింది. ఈ రెండూ ఒకేలా ఉండటం వల్ల ఆమె భర్త, ప్రముఖ నిర్మాత బోనీ కపూర్.. 'శ్రీదేవి బంగ్లా' చిత్ర బృందానికి లీగల్ నోటీసు పంపారు.

"నన్ను ఈ సినిమాలో ఓ పాత్ర కోసం సంప్రదించారు. శ్రీదేవీకి ఈ చిత్రానికి ఏమైనా సంబంధం ఉందా అని అడిగాను. అలాంటిదేమి లేదని వారు చెప్పారు. ఈ విషయంపై నేను హామీ ఇస్తున్నాను. ఈ కథ, టైటిల్​ను చాలా సంవత్సరాల క్రితమే వారు రిజిస్టర్ చేయించుకున్నారు." -అర్భాజ్ ఖాన్, నటుడు

దర్శకుడు చెప్పిన పాత్రలో నటించానని, ఎవరి మనోభావాల్ని కించపరచాలనేది తమ ఉద్దేశం కాదని ప్రధాన పాత్రలో నటించిన ప్రియా ప్రకాశ్ వారియర్ తెలిపింది. ఈ సినిమాకు ప్రశాంత్ మంపుల్లి దర్శకత్వం వహించాడు.

ఇది చదవండి: సినీడైరీ: సూపర్​స్టార్​కు తల్లిగా నటించిన శ్రీదేవి!

• " class="align-text-top noRightClick twitterSection" data="">