బాలీవుడ్ భారీ చిత్రాలు 'సూర్యవంశీ', '83'.. ఓటీటీలో విడుదలకు సిద్ధమవుతున్నాయి. ఈ విషయాన్ని రిలయన్స్ ఎంటర్టైన్మెంట్స్ గ్రూప్స్ సీఈఓ శిబాశిష్ సర్కార్ ట్వీట్ చేశారు. అన్ని అవకాశాలు పరిశీలిస్తున్నామని, థియేటర్ల తెరవకపోతే ప్రత్యామ్నాయలపై దృష్టిసారిస్తామని అన్నారు.
కరోనా వ్యాప్తి కారణంగా మన దేశంలో మార్చి నుంచి థియేటర్లను మూసేశారు. అన్లాక్ ప్రక్రియ మొదలైనా సరే వాటిని తెరిచేందుకు ప్రభుత్వం అనుమతి ఇవ్వలేదు. ఈ క్రమంలో పలువురు దర్శక నిర్మాతలు ఓటీటీలను ఆశ్రయిస్తున్నారు. 'సడక్ 2', 'లక్ష్మీబాంబ్', 'భుజ్' తదితర సినిమాలు డిజిటల్గానే విడుదల కానున్నాయి. ఇప్పుడు అదే బాటలో 'సూర్యవంశీ', '83' కూడా వెళ్లనున్నాయి.
హీరో అక్షయ్ కుమార్- దర్శకుడు రోహిత్ శెట్టి కాంబినేషన్లో, కాప్ యూనివర్స్లో వస్తున్న మూడో సినిమా 'సూర్యవంశీ'. తొలుత మార్చి 24నే విడుదల చేయాలనుకున్నారు. కరోనా ప్రభావం కారణంగా అదికాస్త వాయిదా పడుతూ వచ్చింది. అనంతరం ఇప్పుడు దీపావళికి ప్రేక్షకులు ముందుకు తీసుకొస్తున్నట్లు నిర్మాణ సంస్థ ప్రకటించింది.
1983 ప్రపంచకప్ నేపథ్య కథతో కపిల్దేవ్ జీవితం ఆధారంగా తీసిన సినిమా '83'. రణ్వీర్ సింగ్, దీపికా పదుకొణె హీరోహీరోయిన్లు. ఏప్రిల్ 10నే రావాల్సింది కానీ కరోనా వల్ల వాయిదా పడింది. ఈ ఏడాది క్రిస్మస్కు చిత్రాన్ని తీసుకొస్తున్నట్లు ఇటీవలే ప్రకటించారు.
