'ఆర్ఆర్ఆర్' నిడివి 3 గంటలపైనే.. 'పుష్ప', 'రాధేశ్యామ్' ఎంతంటే?

త్వరలో రాబోయే భారీ బడ్జెట్​ సినిమాల నిడివి ఎంతో తెలిసిపోయింది. ఇప్పటికే 'ఆర్ఆర్ఆర్' గురించి తెలియగా.. 'పుష్ప', 'రాధేశ్యామ్' నుంచి కూడా ఇప్పుడు అప్డేట్ వచ్చింది!

సంక్రాంతి కంటే ముందే సినిమాల సందడి మొదలైంది. డిసెంబరు ప్రారంభంలో వచ్చిన 'అఖండ'.. టాలీవుడ్​కు సరికొత్త ఊపు తీసుకొచ్చింది. సెకండ్​ వేవ్ తర్వాత విడుదలవుతున్న భారీ సినిమా ఇది కావడం వల్ల జనాలు వస్తారా లేదా అనే సందేహాలను పటాపంచలు చేస్తూ బాక్సీఫీస్​ దుమ్ములేపుతోంది.

అల్లు అర్జున్ పుష్ప మూవీ

అల్లుఅర్జున్ 'పుష్ప'.. 'అఖండ'తో వచ్చిన జోష్​ను ఇప్పుడు కొనసాగించాలని చూస్తోంది. అందులో భాగంగానే ట్రైలర్​, పాటలు.. సినిమాపై అంచనాల్ని పెంచేస్తున్నాయి. అయితే పాన్ ఇండియా రేంజ్​లో రిలీజ్​ అవుతున్న ఈ సినిమా నిడివి 2 గంటల 56 నిమిషాలు ఉన్నట్లు తెలుస్తోంది. డిసెంబరు 17న ఈ చిత్రం థియేటర్లలోకి రానుంది.

ఆర్ఆర్ఆర్ మూవీ

ఇప్పటికే సెన్సార్ పూర్తి చేసుకున్న ఆర్ఆర్ఆర్.. జనవరి 7న ప్రపంచవ్యాప్తంగా విడుదల కానుంది. యూఏ సర్టిఫికెట్​ సొంతం చేసుకున్న ఈ సినిమా నిడివి 3 గంటల 7 నిమిషాలు. రామ్​చరణ్-ఎన్టీఆర్ నటించిన బిగ్గెస్ట్ మల్టీస్టారర్ ఇది. చూడాలి మరి ఈ సినిమా ఎలాంటి రికార్డులు బద్దలుకొడుతుందో?

డార్లింగ్ ప్రభాస్ 'రాధేశ్యామ్​' సెన్సార్ కూడా పూర్తయిందని సమాచారం. దీనిబట్టి తెలుగులో 2 గంటల 20 నిమిషాల నిడివితో సినిమా రిలీజ్ కానుండగా.. హిందీలో మాత్రం 2 గంటలకు 30 నిమిషాల డ్యూరేషన్​తో చిత్రాన్ని అభిమానులకు అందించనున్నారట. ఇందులో పూజా హెగ్డే హీరోయిన్​. జనవరి 14న ఈ సినిమా పాన్ ఇండియా స్థాయిలో థియేటర్లలోకి రానుంది.

రాధేశ్యామ్ మూవీలో ప్రభాస్, పూజా హెగ్డే

ఇవీ చదవండి: