RRR Movie Pramotions: 'ఆర్ఆర్ఆర్' సినిమా రిలీజ్ డేట్ ప్రకటించినప్పటి నుంచి చిత్ర బృందం మూవీ ప్రమోషన్స్లో బిజీగా గడుపుతోంది. ఇందులో భాగంగా ఇటీవల దుబాయ్లో చిత్రబృందం సందడి చేసింది. ఆ తర్వాత దేశంలో వివిధ ప్రదేశాల్లో ప్రమోషన్స్ చేస్తోంది. గుజరాత్‌ కెవాడియాలోని సర్దార్ వల్లభాయ్‌ పటేల్ ఐక్యతా విగ్రహాన్ని చిత్రయూనిట్‌ ఆదివారం సందర్శించింది. చిత్ర దర్శకుడు రాజమౌళితో పాటు హీరోలు రామ్ చరణ్, ఎన్టీఆర్.. స్టాట్యూ ఆఫ్‌ యూనిటీ వద్ద సందడి చేశారు. తాజాగా, సోమవారం అమృత్సర్లోని గోల్డెన్ టెంపుల్లో పూజలు నిర్వహించారు.
దర్శకధీరుడు రాజమౌళి ప్రతిష్టాత్మకంగా తెరకెక్కిస్తున్న చిత్రం (రణం రౌద్రం రుధిరం) 'ఆర్ఆర్ఆర్'. ఇందులో అల్లూరి సీతారామరాజుగా రామ్చరణ్, కొమురం భీమ్గా ఎన్టీఆర్ నటిస్తున్నారు. ఈ చిత్రంలో రామ్చరణ్ సరసన అలియా భట్, ఎన్టీఆర్ సరసన ఒలివియా మోరిస్ నటిస్తున్నారు. అజ‌య్‌దేవ్‌గ‌న్‌, స‌ముద్ర‌ఖ‌ని, శ్రియ కీలకపాత్రలు పోషిస్తున్నారు. మార్చి 25న ప్రేక్షకుల ముందుకు రానుంది.
కేజీఎఫ్ 2 సాంగ్..
KGF 2 Song Release: అభిమానులు ఎంతో ఆసక్తిగా ఎదురుచూస్తున్న 'కేజీఎఫ్ 2' నుంచి కొత్త అప్డేట్ వచ్చింది. ఈ చిత్రం నుంచి తెలుగు, తమిళ, మలయాళ, కన్నడ భాషలకి సంబంధించిన లిరికల్ సాంగ్ను విడుదల చేసింది చిత్ర బృందం.
'తుపాన్' అంటూ సాగే ఈ పాట.. ప్రేక్షకులను అమితంగా ఆకర్షించేలా ఉంది. 'అతను మా జీవితాల్లోకి రాకముందు చూవు మా మీద గంతులేసేది.. అతను వచ్చిన తర్వాత చావు మీద మేము గంతులేస్తున్నాం'..అంటూ హీరో ఎంట్రీతో సాంగ్ మొదలవుతుంది.
- " class="align-text-top noRightClick twitterSection" data="">
కన్నడ స్టార్ హీరో యశ్ ప్రధాన పాత్రలో నటించిన 'కేజీఎఫ్' తొలి భాగం 2018లో దేశవ్యాప్తంగా విడుదలై, అన్ని భాషల ప్రేక్షకుల్ని మెప్పించింది. కేజీఎఫ్ పార్ట్ 2 ఏప్రిల్ 14న ప్రపంచవ్యాప్తంగా విడుదల కానుంది. తొలి భాగంలో మిగిలిన అనేక ప్రశ్నలకు 'కేజీఎఫ్ 2'లో సమాధానం లభించనుంది.
ఇదీ చదవండి: 'ఆర్ఆర్ఆర్'కు కలిసొచ్చే అంశాలివే.. రూ.3వేల కోట్లు పక్కా!
