Ravi Teja Khiladi: మాస్ మహారాజా రవితేజ నటించిన 'ఖిలాడి' సినిమా హక్కులు హాట్కేకులా అమ్ముడయ్యాయి. ఈ సినిమా థియేట్రికల్, నాన్ థియేట్రికల్ రైట్స్ను భారీ ధరకు అమ్మినట్లు తెలుస్తోంది. ఇది రవితేజ కెరీర్లోనే అత్యధికమని సమాచారం.
రమేష్‌ వర్మ దర్శకత్వం వహించిన ఈ యాక్షన్‌ థ్రిల్లర్‌ను సత్యనారాయణ కోనేరు నిర్మించారు. మీనాక్షి చౌదరి, డింపుల్‌ హయాతి కథానాయికలు. అర్జున్‌, అనసూయ కీలక పాత్రలు పోషించారు. శరవేగంగా చిత్రీకరణ జరుపుకొంటున్న ఈ సినిమా ఫిబ్రవరి 11న ప్రేక్షకుల ముందుకు రానుంది.
అజిత్కు జోడీగా టబు!
తమిళ సూపర్స్టార్ అజిత్ కుమార్ కొత్త సినిమా గురించి ఓ ఆసక్తికర ప్రచారం జరుగుతోంది. హెచ్ వినోత్ దర్శకతంలో ఆయన చేయబోయే చిత్రంలో సీనియర్ భామ టబు నటించనుందని వినికిడి. ఇదే నిజమైతే దాదాపు 22 ఏళ్ల తర్వాత అజిత్-టబు కలిసి నటించినట్లు అవుతుంది. వీరిద్దరూ గతంలో 'ప్రియురాలు పిలిచింది' అనే సూపర్హిట్ సినిమాలో నటించారు. అందులో ఐశ్వర్య రాయ్, మమ్ముట్టి కూడా ప్రధాన పాత్రల్లో మెరిశారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: Shyamsingha Roy: ఆన్‌లైన్‌ క్లాస్‌లో 'శ్యామ్‌ సింగరాయ్‌' హల్చల్!
