టాలీవుడ్ హీరో రామ్ చరణ్ ఇప్పటికే 'ఆర్ఆర్ఆర్'లో నటిస్తున్నాడు. తాజాగా మరో సినిమా చేసేందుకు అంగీకరించాడని సమాచారం. మహేశ్ బాబుతో 'మహర్షి'ని తెరకెక్కించిన వంశీ పైడిపల్లి దర్శకత్వంలో నటించనున్నాడని తెలుస్తోంది. వీరిద్దరూ ఇంతకుముందే 'ఎవడు' సినిమాకు కలిసి పనిచేశారు. మంచి విజయాన్ని అందుకుంది ఆ చిత్రం.
వంశీ పైడిపల్లి మహేశ్తో తెరకెక్కించిన 'మహర్షి' బాక్సాఫీస్ వద్ద మంచి విజయం సాధించింది. తన తర్వాతి సినిమా కూడా మహేశ్తో చేయాల్సి ఉన్నా కొన్ని కారణాల వల్ల అది ఆలస్యమయ్యే అవకాశమున్నట్లు తెలుస్తోంది.
రాజమౌళి తెరకెక్కిస్తున్న 'ఆర్ఆర్ఆర్'లో అల్లూరి సీతారామరాజుగా చరణ్ కనిపించనున్నాడు. కుమురం భీమ్ పాత్రలో ఎన్టీఆర్ నటిస్తున్నాడు. ఆలియా భట్, ఒలివియా హీరోయిన్లు.
