అగ్ర దర్శకుడు రాజమౌళికి కథల కొరతే ఉండదు. ఆయన ఇంట్లోనే బోలెడన్ని కథలు సిద్ధమైపోతుంటాయి. రాజమౌళి తండ్రి విజయేంద్రప్రసాద్‌ మంచి సినీ రచయిత. ఇతడి కలం నుంచి జాలువారిన స్టోరీలే బాలీవుడ్‌లోనూ సత్తా చాటుతుంటాయి. ఆయనే రాజమౌళి కోసమూ కథలు సిద్ధం చేస్తుంటాడు. తాజాగా తన తండ్రి రాసిన ఓ స్టోరీతోనే తర్వాత సినిమా తీయాలనుకుంటున్నాడట జక్కన్న.
అలా ‘ఆర్ఆర్ఆర్’ తర్వాత సినిమాకి ఇప్పటికే ప్రణాళిక సిద్ధమైందని, అది కూడా మల్టీస్టారర్ చిత్రంగానే రూపొందే అవకాశాలున్నాయని తెలుస్తోంది. 'బాహుబలి' తర్వాత రాజమౌళి సినిమా స్థాయి మరింత పెరిగింది. ఆయన ప్రతి చిత్రం పాన్‌ ఇండియా రేంజ్లో రూపొందుతోంది. తాజా సమాచారం ప్రకారం తర్వాత చిత్రంలోనూ తెలుగు కథానాయకులే నటించబోతున్నారని సమాచారం. వచ్చే సంక్రాంతికి 'ఆర్ఆర్ఆర్' చిత్రం ప్రేక్షకుల ముందుకు రానుంది.
ఇదీ చదవండి: దేవరకొండ సెంటిమెంట్ బ్రేక్ అయిందిగా..!
