Rajamouli Alluarjun movie: 'పుష్ప' సినిమా సక్సెస్తో జోరు మీదున్నారు ఐకాన్ స్టార్ అల్లుఅర్జున్. ప్రస్తుతం పుష్ప 2లో నటిస్తున్నారు. దీంతో పాటే తన తదుపరి చిత్రాల మీదు ఫోకస్ పెట్టారు. పాన్ ఇండియా స్థాయిలోనే తెరకెక్కించే దిశగా సిద్ధమవుతున్నారు. తాజాగా బన్నీ గురించి ఓ ఆసక్తికరమైన వార్త సోషల్మీడియాలో జోరుగా ప్రచారం సాగుతోంది. దర్శకధీరుడు రాజమౌళితో ఆయన సినిమా చేయబోతున్నారని తెగ మాట్లాడుకుంటున్నారు.
ప్రస్తుతం జక్కన తెరకెక్కించిన ఆర్ఆర్ఆర్ సినిమా మార్చి 25న ప్రేక్షకుల ముందుకు రానుంది. దీని తర్వాత ఆయన తన పూర్తి దృష్టంతా మహేశ్బాబుతో తీయబోయే మూవీపైనే ఉంటుందని ఇటీవలే ఆయన చెప్పారు. దీని తర్వాతే జక్కన-బన్నీ కాంబోలో భారీ ప్రాజెక్ట్ రానుందని ప్రస్తుతం ప్రచారం జరుగుతోంది. చర్చలు జరుగుతన్నాయని అంతా మాట్లాడుకుంటున్నారు. మరి ఇందులో నిజమెంతో తెలియాలంటే అధికార ప్రకటన వచ్చే వరకు వేచి ఉండాల్సిందే.
Alluarjun sanjay leela bhansali: కాగా, అల్లుఅర్జున్ రెండు రోజుల క్రితమే ముంబయిలో ప్రముఖ దర్శకుడు సంజయ్ లీలా భన్సాలీతోనూ భేటీ అయ్యారు. దీంతో వీరిద్దరి కాంబోలోనూ సినిమా వస్తుందని ఫ్యాన్స్ ఆశిస్తున్నారు.
ఇదీ చూడండి: మా మధ్య బలమైన స్నేహం అలా ఏర్పడింది: తారక్-చెర్రీ
