Radhe Shyam Release Date: లవ్స్టోరీ + షిప్ ఎపిసోడ్.. అనగానే వరల్డ్ బిగ్గెస్ట్ హిట్ 'టైటానిక్' సినిమానే అందరికీ గుర్తొస్తుంది. మరి మార్చి 11న ప్రపంచవ్యాప్తంగా విడుదలకు సిద్ధమైన ప్రభాస్ 'రాధేశ్యామ్'.. ఆ టైటానిక్ను మరిపించనుందా..? 'ఇండియన్ టైటానిక్'గా సరికొత్త అధ్యయనాన్ని లిఖించనుందా..? ఏమో మరి.. ట్రైలర్లోని విజువల్స్ చూస్తే మాత్రం ఈ అనుమానం రాకుండా ఉండదు. ముఖ్యంగా ఇటీవల రిలీజైన రెండో ట్రైలర్లోని విజువల్స్ గురించే అంతా మాట్లాడుకుంటున్నారు.
అవును.. రెండు నెలల క్రితం వరకూ.. ఈ సినిమాపై ఎవరికీ అంచనాలు పెద్దగా లేవు. కానీ ఎప్పుడైతే టీజర్, ట్రైలర్స్ రిలీజయ్యాయో ఆ క్షణం నుంచే.. ఈ సినిమాపై అంచనాలు తారాస్థాయికి చేరాయి. అంతేకాక.. ఈ సినిమా క్లైమాక్స్ కోసం డైరెక్టర్ రెండేళ్ల కష్టపడ్డారని ఇటీవల ప్రభాస్ ఓ ప్రెస్మీట్లో చెప్పడం.. టైటానిక్ను మించి ఈ మూవీ క్లైమాక్స్ ఉండబోతుందని సినిమాకు పనిచేసిన టెక్నీషియన్స్ చెప్తున్నవి చూస్తే.. రాధేశ్యామ్ ఇండియన్ టైటానిక్ అనడంలో సందేహం లేదనిపిస్తుంది.
అంతేకాక.. ఈ సినిమాలో ప్రభాస్ విక్రమాధిత్య, ప్రేరణ మధ్య కెమిస్ట్రీ చూస్తుంటే.. టైటానిక్లోని జాక్, రోస్లను మరిపించేలా ఉంది. మరి డైరెక్టర్ రాధాకృష్ణ సినిమాను టైటానిక్ లానే దృశ్యకావ్యంలా తీర్చిదిద్దాడా? లేదా? తెలియాలంటే ఇంకో రెండు రోజులు ఆగాల్సిందే..
యూఎస్ గ్రాండ్ రిలీజ్..
ఇక ఈ చిత్రం అమెరికాలో గ్రాండ్గా రిలీజ్ అయ్యేందుకు సిద్ధమైంది. మార్చి 10న రికార్డు స్థాయిలో ప్రీమియర్ షోలు ప్రదర్శన కానున్నాయి. 1,116 లోకేషన్లలో 11,116 షోలు వేయనున్నారు. అడ్వాన్స్ బుకింగ్స్ కూడా రికార్డు స్థాయిలో అవుతున్నట్లు తెలిసింది. రొమాంటిక్ లవ్స్టోరీగా తెరకెక్కిన ఈ సినిమాలో ప్రభాస్ విక్రమాధిత్యగా, పూజాహెగ్డే ప్రేరణగా అలరించనున్నారు.
దర్శకధీరుడు రాజమౌళి ఈ సినిమాకు వాయిస్ ఓవర్ ఇచ్చారు. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
ఇవీ చూడండి:
ప్రభాస్ను అలా చూసి ఆశ్చర్యపోయా: నటి భాగ్యశ్రీ
