'పుష్ప.. పుష్పరాజ్.. తగ్గేదేలే..' అంటూ అభిమానులను అలరించారు ఐకాన్ స్టార్ అల్లు అర్జున్. పుష్ప చిత్రంలోని బన్నీ మేనరిజానికి ఫ్యాన్స్ ఫిదా అయిపోయారు. తగ్గేదేలే అంటూ ఆయనను అనుసరిస్తూ సోషల్ మీడియాలో వీడియోలు పెట్టి హల్చల్ చేశారు. మరి ఇంత క్రేజ్ సంపాదించుకున్న ఆ పుష్ప లుక్ కోసం అల్లు అర్జున్ను ఎలా తయారుచేశారో అనే ఆసక్తి అభిమానుల్లో నెలకొంది. ఈ నేపథ్యంలో మూవీటీమ్ మేకింగ్ వీడియోను విడుదల చేసింది. దాన్ని మీరూ చూసేయండి..
- " class="align-text-top noRightClick twitterSection" data="">
సుకుమార్ దర్శకత్వంలో తెరకెక్కిన ఈ చిత్రం గతేడాది డిసెంబరు 17న విడుదలై ఘన విజయాన్ని అందుకుంది. ఈ మూవీ దేశవ్యాప్తంగా ఉన్న సినీప్రియులకు స్లో పాయిజన్లా ఎక్కేసింది. బాక్సాఫీసు వద్ద మంచి వసూళ్లను అందుకుంది.
ఓటీటీలోకి బంగార్రాజు ఎంట్రీ..
నాగార్జున, నాగచైతన్య కీలక పాత్రల్లో నటించిన చిత్రం 'బంగార్రాజు'. కల్యాన్కృష్ణ దర్శకత్వం వహించిన ఈ చిత్రం.. సంక్రాంతి విన్నర్గా నిలిచింది. ఇప్పుడు ఈ సినిమా ఓటీటీలో అలరించేందుకు సిద్ధమైంది. ఈ విషయాన్ని జీ5 తెలుగు ప్రకటించింది. ఈనెల 18 నుంచి బంగార్రాజు స్ట్రీమింగ్ కానున్నట్లు తెలిపింది. 'సోగ్గాడే చిన్ని నాయనా'కు సీక్వేల్గా వచ్చిన ఈ సినిమాలో రమ్యకృష్ణ, కృతిశెట్టి, రావురమేశ్ తదితరులు నటించారు.
- " class="align-text-top noRightClick twitterSection" data="
">
లైగర్ నాన్ థియేట్రికల్ రైట్స్..
విజయ్ దేవరకొండ కథనాయకుడిగా పూరీ జగన్నాథ్ దర్శకత్వంలో తెరకెక్కుతున్న పాన్ ఇండియా చిత్రం 'లైగర్'. అనన్య పాండే కథనాయికగా నటిస్తున్న ఈ చిత్రంతో విజయ్.. బాలీవుడ్కు పరిచయం కానున్నాడు. ఈ సినిమాపై భారీ అంచనాలే ఉన్నాయి. తాజాగా ఈ చిత్రానికి సంబంధించిన ఓ ఆసక్తికర అప్డేట్ సినీ వర్గాల్లో చక్కర్లు కొడుతోంది. ఈ సినిమా నాన్ థియేట్రికల్ రైట్స్ను అమెజాన్ ప్రైమ్ రూ.60 కోట్లు వెచ్చించి దక్కించుకున్నట్లు సమాచారం. ఈ సినిమాను పూరీ జగన్నాథ్, ఛార్మి సంయుక్తంగా నిర్మిస్తున్నారు.
సల్మాన్ చిత్రంలో వెంకీ?
టాలీవుడ్లో ఫ్యామిలీ డ్రామాల్లో తనదైన ముద్ర వేసిన విక్టరీ వెంకటేశ్ ఇప్పుడు బాలీవుడ్లోకి అడుగుపెట్టనున్నారట. సాజిద్ నదియావాలా దర్శకత్వంలో స్టార్ హీరో సల్మాన్ ఖాన్ నటిస్తున్న చిత్రంలో ఓ ప్రత్యేక పాత్ర కోసం వెంకీని సంప్రదించినట్టు సమాచారం. 'భాయ్ జాన్'గా పేర్కొంటున్న ఈ సినిమా షూటింగ్ మార్చి 15 నుంచి ప్రారంభం కానున్నట్లు తెలుస్తోంది. ఒకవేళ ఇదే కనుక నిజమైతే.. వెంకీ నటించిన మూడో బాలీవుడ్ సినిమా అవుతుంది. అంతకుముందు.. అనారి, తక్ధీర్వాలా చిత్రాల్లో నటించారు వెంకటేశ్.
ఇదీ చూడండి : రామ్చరణ్-శంకర్ సినిమా కథ.. ఆ స్టార్ డైరెక్టర్ది
