Pawan kalyan bheemla nayak release date: పవర్స్టార్ పవన్ కల్యాణ్ 'భీమ్లా నాయక్' రిలీజ్పై త్వరలో క్లారిటీ వస్తుందని నిర్మాత నాగవంశీ చెప్పారు. కొవిడ్ ప్రభావం తగ్గిన తర్వాత థియేటర్లలోకి తీసుకొస్తామని అన్నారు. ఈ సినిమాను తెలుగుతో పాటు హిందీలోనూ విడుదల చేస్తామని స్పష్టం చేశారు. ఓ వెబ్ ఛానెల్కు ఇచ్చిన ఇంటర్వ్యూలో ఈ విషయాల్ని వంశీ వెల్లడించారు.
మలయాళ హిట్ 'అయ్యప్పనుమ్ కోశియమ్' సినిమాకు రీమేక్ 'భీమ్లా నాయక్'. అయితే తెలుగులో తీయాలని ఫిక్స్ కాగానే కథతో మార్పులు చేశామని నిర్మాత నాగవంశీ అన్నారు. మొత్తం బాధ్యత త్రివిక్రమ్ తీసుకున్నారని వంశీ చెప్పారు. ఇందులో పవన్ విశ్వరూపం చూస్తారని, ఫ్యాన్స్ పండగ చేసుకునేలా సినిమా ఉంటుందని చెప్పారు.
గతంలో ప్రకటించి ఆగిపోయిన ఎన్టీఆర్తో సినిమా గురించి కూడా వంశీ క్లారిటీ ఇచ్చారు. ఆ ప్రాజెక్టు నిలిచిపోలేదని, దానిని పాన్ ఇండియా రేంజ్లో భారీస్థాయిలో తెరకెక్కించే ఆలోచని ఉందని అన్నారు. అందుకు కొన్నాళ్ల సమయం పట్టనుందని చెప్పారు.
అలానే పవన్ కల్యాణ్తో మరో సినిమా చేస్తామని వంశీ చెప్పారు. మెగా హీరో రామ్చరణ్తో సినిమా చేయాలని ఉందంటూ మనసులో మాట బయటపెట్టారు.
- " class="align-text-top noRightClick twitterSection" data="">
ఇవీ చదవండి:
