దేశానికి స్వాతంత్య్రం తీసుకురావడానికి చేసిన పోరాటంలో కీలక పాత్ర పోషించిన వీర వనితలను గుర్తు చేసుకుంది బాలీవుడ్ హీరోయిన్ ప్రియాంకా చోప్రా. శనివారం దేశవ్యాప్తంగా 74వ స్వాతంత్య్ర వేడుకలు అంబరాన్నంటుతన్న వేళ.. దేశం కోసం తమ జీవితాలనే త్యాగం చేసి చరిత్రలో నిలిచిన మహిళా యోధుల ప్రాముఖ్యతను తెలియజేస్తూ.. ఇన్స్టాగ్రామ్ వేదికగా ఓ వీడియోను పోస్ట్ చేసింది ప్రియాంక.
- " class="align-text-top noRightClick twitterSection" data="
">
"వందేమాతరం. వారే మహారాణులు, యోధులు, విప్లవకారులు, దేవ దూతలు, మనకు మద్దతుగా నిలిచేవారు. చాలా మంది నాయకులు కూడా ఉన్నారు. భారత స్వాతంత్య్ర పోరాటం లెక్కలేనంత మంది ద్రుఢమైన, వీర వనితనలకు జన్మనిచ్చింది. ప్రతి ఒక్కరూ ఈ సంగ్రామంలో ప్రత్యేక పాత్ర పోషించారు. వారి త్యాగాలు మన హృదయాల్లో శాశ్వతంగా నిలిచిపోతాయి."
-ప్రియాంకా చోప్రా, సినీ నటి
ఈ ప్రత్యేక వేడుక సందర్భంగా బాలీవుడ్ ప్రముఖులు అమితాబ్ బచ్చన్, అనుపమ్ ఖేర్, లెజెండ్ సింగర్ లతా మంగేష్కర్, మ్యూజిక్ దిగ్గజం ఏఆర్ రెహ్మన్ తదితరులు దేశ ప్రజలకు హృదయపూర్వక శుభాకాంక్షలు తెలిపారు.
