ఈ ఏడాది 'ఉరీ' చిత్రంతో అఖండ విజయాన్ని అందుకున్నాడు బాలీవుడ్ హీరో విక్కీ కౌశల్. అదే జోరులో మరో రెండు బయోపిక్స్లో నటిస్తున్నాడీ యువ నటుడు. స్వాతంత్య్ర సమరయోధుడు సర్దార్ ఉద్ధమ్సింగ్, యుద్ధ హీరో ఫీల్డ్ మార్షల్ శ్యామ్ మనేక్షా బయోపిక్స్లో నటిస్తున్నాడు. ఈ పాత్రలను పోషించడం వల్ల బాధ్యత మరింత పెరిగిందని తెలిపాడు విక్కీ.
"షూజిత్ సర్కార్ దర్శకత్వంలో నటించడం నా కల. ఆ అవకాశం షాహిద్ ఉద్ధమ్ సింగ్తో వచ్చింది. ఇదే సమయంలో బాధ్యత మరింత పెరిగింది" - విక్కీ కౌశల్, బాలీవుడ్ హీరో.
1919, ఏప్రిల్ 19న జరిగిన జలియన్వాలాబాగ్ ఘటనకు కారకుడైన డయ్యర్ను ఇంగ్లాండ్లో చంపి ప్రతీకారం తీర్చుకున్నాడు ఉద్ధమ్ సింగ్. ప్రస్తుతం ఆయన పాత్రనే విక్కీ కౌశల్ పోషిస్తున్నాడు.
శ్యామ్ మనేక్షా బయోపిక్ను మేఘనా గుల్జార్ తెరకెక్కిస్తున్నారు. భవాని అయ్యర్ కథను అందించారు.
"శ్యామ్ మనేక్షా గురించి చిన్నతనంలో నా తల్లిదండ్రులు చెబుతుంటే విన్నా. వాళ్లు పంజాబ్లో ఉండేవాళ్లు. 1971 యుద్ధాన్ని దగ్గర నుంచి చూశారు. సినిమాకు సంబంధించిన స్క్రిప్టు చదువుతుంటే ఒళ్లు గగుర్పొడిచింది. నిజంగా ఆయన (శ్యామ్ మనేక్షా) గొప్ప వీరుడు. ఆయన పాత్రలో నటించడం నాకు దక్కిన గౌరవంగా భావిస్తున్నా" - విక్కీ కౌశల్, బాలీవుడ్ హీరో.
ఈ రెండు సినిమాల్లో స్వతంత్ర సమరయోధుల పాత్రల్లో నటిస్తున్నాడు విక్కీ కౌశల్. నటుడిగా కథల ఎంపిక ముఖ్యమని.. ఒకే విధమైన పాత్రలను ఎంచుకోకూడదని అంటున్నాడీ ఉరీ హీరో.
"ఓ నటుడు కథలు ఎంచుకునేటప్పుడు అవి దేశభక్తి చిత్రాలైనా.. ఒకే విధమైన పాత్రలకోసం చూడకూడదు. అది మంచి కథైతే ఎట్టి పరిస్థితుల్లోనూ సినిమా చేయాల్సిందే" -విక్కీ కౌశల్, బాలీవుడ్ నటుడు
'మసాన్' చిత్రంతో బాలీవుడ్లో తొలి విజయాన్ని అందుకున్నాడు విక్కీ కౌశల్. రామన్ రాఘవ్, రాజీ, లస్ట్ స్టోరీస్, సంజూ, ఉరీ లాంటి చిత్రాలతో తక్కువ కాలంలోనే వైవిధ్య సినిమాల హీరోగా గుర్తింపు తెచ్చుకున్నాడు.
- " class="align-text-top noRightClick twitterSection" data="">
ఇది చదవండి: ''అనగనగా ఒకరోజు'కు మొదట డైరక్టర్ నేనే'
