దర్శకేంద్రుడు కె.రాఘవేంద్రరావు దర్శకత్వ పర్యవేక్షణలో తెరకెక్కుతున్న చిత్రం 'పెళ్లి సంద..డి'. ఇందులోని 'బుజ్జులు బుజ్జులు' అంటూ సాగే పాట లిరికల్ వీడియోను ఆదివారం(మే 23) ఉదయం 11 గంటలకు విడుదల చేయనున్నారు. రోషన్, శ్రీలీల హీరోహీరోయిన్లుగా నటిస్తున్నారు. గౌరీ రోనంకి ఈ చిత్రానికి దర్శకత్వం వహిస్తున్నారు.
కరోనా ప్రభావంతో విడుదల వాయిదా పడిన 'ఏక్ మినీ కథ' చిత్రం ఓటీటీ రిలీజ్కు సిద్ధమైంది. ఈ నెల 27న అమెజాన్ ప్రైమ్ ద్వారా ప్రేక్షకుల ముందుకు రానుంది. ఈ నేపథ్యంలో సినిమాకు సంబంధించిన ట్రైలర్ను శుక్రవారం రిలీజ్ చేశారు. సంతోశ్ శోభన్, కావ్య థాపర్ హీరోహీరోయిన్లుగా నటించగా.. శ్రద్ధాదాస్, బ్రహ్మాజీ, సప్తగిరి, సుదర్శన్, పోసాని కృష్ణమురళి కీలకపాత్రలు పోషించారు. కార్తిక్ రాపోలు దర్శకత్వంలో మేర్లపాక గాంధీ నిర్మించారు.
- " class="align-text-top noRightClick twitterSection" data="">
సైకలాజికల్ థ్రిల్లర్ కథాంశంతో మలయాళంలో విడుదలై సూపర్హిట్ అయిన చిత్రం 'అథిరన్' తెలుగు డబ్బింగ్ ఓటీటీలో విడుదల కానుంది. ఆహాలో 'అనుకోని అతిథి' పేరుతో మే 28నుంచి స్ట్రీమింగ్ కానుంది. ఈ చిత్ర టీజర్ను చిత్రబృందం విడుదల చేసింది. ఫహాద్‌ ఫాజిల్‌, సాయి పల్లవి హీరోహీరోయిన్లుగా నటించారు. ప్రకాశ్‌రాజ్‌, అతుల్‌ కులకర్ణి ఇతర పాత్రల్లో కనిపించనున్నారు. వివేక్‌ దర్శకత్వం వహించాడు. కేరళలో 1970లో చోటుచేసుకున్న సంఘటనల ఆధారంగా ఈ సినిమాను రూపొందించారు. మలయాళంలో 2019 ఏప్రిల్‌లో విడుదలైన ఈ చిత్రం.. విమర్శకుల ప్రశంసలు అందుకుంది. ఇందులో సాయి పల్లవి నటనకు ప్రేక్షకులు ఫిదా అయ్యారు.
- " class="align-text-top noRightClick twitterSection" data="">
రెండు కాలాల మధ్య ఇద్దరు వ్యక్తుల సంభాషణ ఎలాంటి పరిణామాలకు దారితీసిందనే కథాంశంతో రూపొందిన చిత్రం 'ప్లేబ్యాక్'. ప్రముఖ దర్శకుడు సుకుమార్ స్నేహితుడు హరిప్రసాద్ జక్కా ఈ చిత్రానికి దర్శకత్వం వహించారు. దినేష్ తేజ, అనన్య నాగళ్ల జంటగా నటించారు. ఈ సినిమా ఇప్పుడు ఆహా ఓటీటీలో అందుబాటులో ఉంది.
ఇదీ చూడండి.. రోడ్లపై జాన్వీ కపూర్ సైక్లింగ్.. వీడియో వైరల్!
