Pawan kalyan mahesh babu: పవర్స్టార్ పవన్కల్యాణ్.. సూపర్స్టార్ మహేశ్బాబు దంపతుల్ని సర్ప్రైజ్ చేశారు. క్రిస్మస్ కానుకగా ఓ కస్టమైజ్ గిఫ్ట్తో పాటు గ్రీటింగ్ కార్డును పవన్ దంపతులు వారికి పంపారు. ఈ విషయాన్ని నమ్రత తన ఇన్స్టా స్టోరీలో పోస్ట్ చేశారు. పవన్-అన్నా లెజెన్వాకు ధన్యవాదాలు తెలిపారు.
క్రిస్మస్ను సెలబ్రేట్ చేసుకునేందుకు తన భార్య అన్నాతో కలిసి పవన్ ఇటీవల రష్యా వెళ్లారు. ఈ పండగ పూర్తయిన తర్వాత మళ్లీ తిరిగి స్వదేశానికి రానున్నారు.
గతంలో పవన్ 'జల్సా' సినిమాకు మహేశ్బాబు వాయిస్ ఓవర్ అందించారు. అయితే ఈ హీరోలిద్దరూ కలిసి నటిస్తే చూడాలని ఉందంటూ అభిమానులు ఎప్పటినుంచో కోరుకుంటున్నారు. కానీ అది కార్యరూపం దాల్చడం లేదు. ఇటీవల కాలంలో మల్టీస్టారర్ సినిమాలు పెరుగుతున్న నేపథ్యంలో భవిష్యత్లో ఒకవేళ పవన్-మహేశ్ కాంబో సెట్ అవుతుందేమో చూడాలి.
పవన్.. 'భీమ్లా నాయక్' సినిమా చేస్తున్నారు. సంక్రాంతి రేసు నుంచి తప్పుకొన్న ఈ చిత్రం ఫిబ్రవరి 25న థియేటర్లలోకి రానుంది. 'అయ్యప్పనుమ్ కోశియమ్' రీమేక్గా తెరకెక్కుతున్న ఈ సినిమాలో పవన్తోపాటు రానా కూడా ప్రధాన పాత్రలో నటిస్తున్నారు. నిత్యామేనన్, సంయుక్త హెగ్డే హీరోయిన్లు. తమన్ సంగీతమందించగా, సాగర్ కె చంద్ర దర్శకత్వం వహిస్తున్నారు. నాగవంశీ నిర్మాత.
మరోవైపు మహేశ్ 'సర్కారు వారి పాట' చివరి దశ షూటింగ్లో ఉన్నారు. ఈ సినిమా ఏప్రిల్ 1న ప్రేక్షకుల ముందుకు రానుంది. బ్యాంకుల ఎగవేత కథాంశంతో ఈ చిత్రాన్ని తీస్తున్నారు. కీర్తిసురేశ్ హీరోయిన్. పరశురామ్ దర్శకుడు.
ఇవీ చదవండి:
