ఆదివారం(ఆగస్టు 22) జరిగిన మెగాస్టార్ చిరంజీవి పుట్టినరోజు వేడుకలు(chiranjeevi birthday celebrations) అంబరాన్నంటాయి. కుటుంబసభ్యులు సహా సన్నిహితులు, అభిమానుల మధ్య ఘనంగా సంబరాలు చేసుకున్నారు చిరు. ఈ సెలబ్రేషన్స్కు పవర్స్టార్ పవన్ కల్యాణ్(Pawan Kalyan), నాగబాబు, రామ్చరణ్, అల్లు అరవింద్, సాయి తేజ్, వరుణ్ తేజ్, వైష్ణవ్ తేజ్తో పాటు పలువురు ప్రముఖులు, అభిమానులు హాజరయ్యారు. వేడుకలకు సంబంధించి విడుదలైన వీడియో ఎంతగానో ఆకట్టుకుంటోంది.
- " class="align-text-top noRightClick twitterSection" data="">
అభిమానులు.. దర్శకులతో..
తొలుత దర్శకులు కొరటాల శివ, బాబీ సహా పలువురు సినీ పరిశ్రమ ప్రముఖలు హాజరై చిరుకు పుష్పగుచ్చం అందించారు. కొందరు అభిమానులు ఆయనకు శాలువా కప్పి సత్కరించారు. చిరుకు శుభాకాంక్షలు తెలిపారు. అనంతరం హీరో శ్రీకాంత్ సహా మరి కొందరు సన్నిహితుల మధ్య కేక్ కట్ చేశారు మెగాస్టార్. చిరుకు బర్త్డే విషెస్ తెలిపేందుకు వందలాది అభిమానులు ఆయన ఇంటికి చేరుకున్నారు.
మెగా కుటుంబం సందడి..
కుటుంబానికి చిరంజీవి ఎంతో ప్రాధాన్యత ఇస్తారు. పుట్టినరోజు వేడుకల్లోనూ తమ్ముళ్లు, చెల్లెళ్లతో సరదాగా గడిపారు. చిన్న తమ్ముడు పవన్ కల్యాణ్కు మెగాస్టార్, నాగబాబు ముద్దు ఇవ్వడం చూస్తుంటే అభిమానులకు కన్నుల పండగగా ఉంది. కుటుంబసభ్యుల మధ్య కేక్ కట్ చేసిన చిరు.. వారి నవ్వుల మధ్య మురిసిపోతూ కనిపించారు. పిల్లలంటే చిరుకు ప్రాణం. ఆఖర్లో చిన్నారులతో కలిసి ఆయన చేసిన సందడి ముచ్చటగా ఉంది.
ఇదీ చూడండి: Chiranjeevi Birthday: మెగాస్టార్ బర్త్డే సర్ప్రైజ్లు ఇవే
