పవర్స్టార్ పవన్ కల్యాణ్ ఈ ఏడాది రెండు చిత్రాలతో సినీప్రియులకు డబుల్‌ ట్రీట్‌ ఇవ్వబోతున్నాడు. ప్రస్తుతం 'వకీల్ సాబ్' చిత్రంలో నటిస్తున్నాడీ హీరో. వేణు శ్రీరామ్‌ దర్శకత్వంలో తెరకెక్కుతోన్న ఈ చిత్రం.. వేసవి కానుకగా మే 15న విడుదల కాబోతున్నట్లు ఇప్పటికే వార్తలొచ్చాయి. కానీ, ఈ చిత్రం ఏప్రిల్లోనే ప్రేక్షకుల ముందుకు రానున్నట్టు సినీవర్గాల్లో ప్రచారం జరుగుతోంది.
పవన్ హీరోగా క్రిష్ దర్శకత్వంలో తెరకెక్కుతోన్న పాన్‌ ఇండియా చిత్రానికి సంబంధించి ఓ ఆసక్తికర వార్త బయటకొచ్చింది. ప్రస్తుతం శరవేగంగా చిత్రీకరణ జరుపుకొంటోన్న ఈ చిత్రాన్ని దీపావళి కానుకగా విడుదల చేయాలన్న ఆలోచనలో క్రిష్ ఉన్నట్టు తెలుస్తోంది. ఈ ఏడాది నవంబరు 13న ఈ సినిమాను ప్రేక్షకుల ముందుకు తీసుకురావడానికి పవన్ - క్రిష్ ప్లాన్‌ చేస్తున్నారట.
అందుకే దీనికి తగ్గట్లుగానే చిత్రీకరణను పరుగులు పెట్టిస్తున్నాడట క్రిష్. ఇక ఇందులో పవన్‌కు జోడీగా కనిపించబోయే నాయికకు సంబంధించి త్వరలోనే ఓ అధికారిక ప్రకటన రానున్నట్లు తెలుస్తోంది. ఈ చిత్రం కోసం 'విరూపాక్ష' అనే టైటిల్‌ పరిశీలిస్తోంది చిత్రబృందం.
ఇదీ చూడండి.. ప్రపంచకప్ అందుకున్న రణ్వీర్సింగ్..!
