Bheemla nayak censor: పవన్ కల్యాణ్ 'భీమ్లా నాయక్' సెన్సార్ పూర్తయింది. యూబైఏ సర్టిఫికెట్ సొంతం చేసుకున్న ఈ సినిమా.. ఫిబ్రవరి 25న థియేటర్లలోకి రానుంది. 2 గంటల 25 నిమిషాల నిడివితో సినిమా ప్రదర్శితం కానుంది. శనివారం ఈ చిత్ర ట్రైలర్ను రిలీజ్ చేయనున్నట్లు తెలుస్తోంది.
మలయాళ హిట్ 'అయ్యప్పనుమ్‌ కోశియుమ్‌'కు రీమేక్‌ ఈ సినిమా. సాగర్‌ కె. చంద్ర దర్శకత్వం వహించిన ఈ చిత్రానికి తమన్ సంగీతమందించారు. పవన్తో పాటు రానా ప్రధాన పాత్రల్లో నటించారు. నిత్యమేనన్, సంయుక్త మేనన్‌ హీరోయిన్లుగా నటించారు.
Ram Boyapati movie: యువ హీరో రామ్.. పాన్ ఇండియా సినిమాకు గ్రీన్ సిగ్నల్ ఇచ్చారు. 'అఖండ'తో బంపర్ హిట్ కొట్టిన బోయపాటి శ్రీను.. ఈ చిత్రానికి దర్శకుడు. శుక్రవారం సాయంత్రం ఈ విషయాన్ని అధికారికంగా ప్రకటించారు.
ప్రస్తుతం రామ్.. లింగుస్వామి డైరెక్షన్లో ఓ ద్విభాషా చిత్రం చేస్తున్నారు. ఇది పూర్తయిన తర్వాత బోయపాటి సినిమా ప్రారంభమవుతుంది. ఈ చిత్రాన్ని శ్రీనివాస్ చిట్టూరి నిర్మిస్తున్నారు. తెలుగు, తమిళ, కన్నడ, మలయాళ, హిందీ భాషల్లో ఈ సినిమా రిలీజ్ చేయనున్నారు. ఇతర వివరాలు త్వరలో వెల్లడించే అవకాశముంది.
Suriya ET teaser: సూర్య హీరోగా నటిస్తున్న 'ఈటీ' టీజర్ రిలీజైంది. ఈ సినిమా పూర్తి వాణిజ్య అంశాలతో తెరకెక్కినట్లు తెలుస్తోంది. ఇందులో సూర్య సరసన ప్రియాంక మోహన్ హీరోయిన్గా చేసింది.
- " class="align-text-top noRightClick twitterSection" data="">
పాండిరాజ్ దర్శకత్వం వహించిన ఈ సినిమాను సన్ పిక్చర్స్ బ్యానర్‌లో కళానిధి మారన్ నిర్మించారు. ఇమ్మాన్ సంగీతమందించారు. మార్చి 10న ఈ సినిమా.. తెలుగుతో పాటు హిందీ, కన్నడ, మలయాళ భాషల్లో రిలీజ్ కానుంది.
Telugu indian idol: 'ఆహా' ఓటీటీ.. 'తెలుగు ఇండియన్ ఐడల్' సింగింగ్ షోకు జడ్జిలు ఎవరో తెలిసిపోయింది. ప్రముఖ సంగీత దర్శకుడు తమన్, సింగర్ కార్తిక్, హీరోయిన్ నిత్యామేనన్.. న్యాయనిర్ణేతలుగా వ్యవహరించనున్నట్లు తెలిసిపోయింది. షో ప్రోమోను శుక్రవారం రిలీజ్ కూడా చేశారు. ఫిబ్రవరి 25 నుంచి ప్రతి శుక్రవారం-శనివారం రాత్రి 9గంటలకు ఇది స్ట్రీమింగ్ కానున్నట్లు వెల్లడించారు.
- " class="align-text-top noRightClick twitterSection" data="">
ఇవీ చదవండి:
