సిద్ధార్థ్‌, జెనీలియా జంటగా భాస్కర్ దర్శకత్వంలో వచ్చిన బ్లాక్‌ బస్టర్‌ చిత్రం 'బొమ్మరిల్లు'. 2006లో విడుదలైన ఈ సినిమా యువతను విశేషంగా ఆకట్టుకుంది. దేవిశ్రీ ప్రసాద్‌ అందించిన సంగీతంతో పాటు, నటీనటుల ప్రదర్శన హైలైట్‌గా నిలిచింది. అయితే తొలుత ఈ చిత్రం జూనియర్ ఎన్టీఆర్ దగ్గరకు వచ్చింది. కానీ, ఓ కారణం వల్ల తాను ఈ సినిమా చేయలేకపోయానని చెప్పాడు. ఈ విషయాన్ని స్వయంగా ఆయనే ఒకానొక సందర్భంలో వెల్లడించాడు.
"ఒకసారి దిల్‌రాజ్‌ వచ్చి 'బొమ్మరిల్లు' స్టోరీ చెప్పారు. స్క్రిప్ట్‌ బాగా నచ్చింది. అయితే, నాకున్న ఇమేజ్‌ కారణంగా ఆ సినిమా చేయలేకపోయినందుకు చాలా బాధపడ్డా. అయ్యో మంచి స్క్రిప్ట్‌ పోతోందే అని ఎన్నోసార్లు ఆలోచించా. నా ఇమేజ్‌ ఆ సినిమాకు న్యాయం చేయలేదు. ఎన్టీఆర్ సినిమా అంటే డ్యాన్స్‌లు, ఫైట్‌లు, కామెడీ, హీరోయిజం, పవర్‌ఫుల్ డైలాగ్‌లు ఉంటాయనుకొని నా అభిమానులు ఆశిస్తారు. అవేవీ లేకుండా సినిమా చేస్తే, నేను ఆ సినిమాకు మోసం చేసినవాడిని అవుతాను" అని చెప్పుకొచ్చాడు.
- " class="align-text-top noRightClick twitterSection" data="">
అయితే 'బృందావనం'లో బ్రహ్మానందం 'బొమ్మరిల్లు' ఫాదర్‌ క్యారెక్టర్‌ అని చెబుతూ ఎన్టీఆర్‌కు తండ్రిగా నటించడానికి వస్తాడు. బ్రహ్మానందం అంటే భయపడిపోయే వ్యక్తిగా ఎన్టీఆర్ నవ్వులు పూయించాడు.
ప్రస్తుతం తారక్ 'ఆర్ఆర్ఆర్' చిత్రంలో రామ్చరణ్తో కలిసి నటిస్తున్నాడు. రాజమౌళి దర్శకత్వం వహిస్తున్నాడు.
- " class="align-text-top noRightClick twitterSection" data="">
