దర్శకధీరుడు రాజమౌళి ప్రతిష్ఠాత్మకంగా తెరకెక్కిస్తున్న భారీ బడ్జెట్ చిత్రం 'రౌద్రం రణం రుధిరం' (ఆర్ఆర్ఆర్). కరోనా కారణంగా షూటింగ్ నిలిచిపోయింది. దాంతో పాటు కొంతకాలంగా ఈ సినిమా నుంచి అప్డేట్లు కూడా ఏమీ రాలేదు. అయితే అభిమానుల నిరీక్షణను అర్థం చేసుకున్న చిత్రబృందం ఎట్టకేలకు ఓ అప్డేట్ ఇచ్చింది.
కరోనా కారణంగా నిలిచిపోయిన షూటింగ్ను మొదలుపెట్టినట్లు తెలుపుతూ ఓ వీడియోను రిలీజ్ చేశారు. ఇందులో సెట్ను శుభ్రం చేయడం, షూటింగ్‌లో ఉండే ప్రతి వస్తువును శానిటైజ్‌ చేస్తూ.. సిబ్బందికి థర్మల్‌ స్క్రీనింగ్ ద్వారా వారి ఆరోగ్య పరిస్థితిని ఎప్పటికప్పుడు తెలుసుకొనే ఏర్పాట్లు చేసినట్లు తెలుస్తోంది.
ఇక చివర్లో మరో అప్డేట్ ఇచ్చింది చిత్రబృందం. ఈ సినిమాలో తారక్ పోషిస్తోన్న కొమురం భీమ్ పాత్రను అక్టోబర్ 22న పరిచయం చేయనున్నట్లు తెలిపింది. దీంతో ఎంతోకాలంగా ఎదురుచూస్తున్న ఎన్టీఆర్ అభిమానులకు ఎట్టకేలకు హ్యాపీ న్యూస్ అందించినట్లైంది.
- " class="align-text-top noRightClick twitterSection" data="">
