స్టైలిష్ స్టార్ అల్లు అర్జున్ వరుస సినిమాలు చేస్తూ జోరు మీదున్నాడు. త్రివిక్రమ్ తెరకెక్కిస్తున్న '#అల్లు అర్జున్ 19' హైదరాబాద్లో ఇటీవలే రెండో షెడ్యూల్ ప్రారంభించుకుంది. ఈ సినిమా నుంచి మరో అప్డేట్ వదిలింది చిత్రయూనిట్. ఈ చిత్రంలో రెండవ కథానాయికగా నివేదా పేతురాజ్‌ను ఎంపిక చేసినట్లు ట్విట్టర్ వేదికగా ప్రకటించింది. ఈ అమ్మడు ఇటీవల చిత్రలహరి సినిమాలో సాయిధరమ్ తేజ్తో కలిసి నటించింది.
ఇప్పటికే నివేదా చిత్రీకరణలో పాల్గొందని.. సుశాంత్తో కలిపి కీలక సన్నివేశాలు తెరకెక్కిస్తున్నట్లు సమాచారం. మరి సినిమాలో వీరిద్దరి పాత్రలేంటి? వాటి పరిధి ఎంతన్న విషయాలు తెలియాల్సి ఉంది.
గీతా ఆర్ట్స్‌ - హారిక & హాసిని క్రియేషన్స్‌ సంయుక్తంగా ఈ చిత్రాన్ని నిర్మిస్తున్నాయి. ఏఏ19 చిత్రానికి తమన్ సంగీతాన్ని అందిస్తున్నాడు. 2020 సంక్రాంతి కానుకగా ప్రేక్షకుల ముందుకు రానుంది.
