మెగా బ్రదర్ నాగబాబు కుమార్తె నిహారిక వివాహం గురించి ప్రస్తుతం సినీ ఇండస్ట్రీతో పాటు, సామాజిక మాధ్యమాల్లో జోరుగా చర్చ నడుస్తోంది. ఇటీవలే ఇందుకు సంబంధించి నిహారిక చిన్న క్లూ ఇవ్వడం సహా.. కాబోయే వ్యక్తితో దిగిన ఓ ఫొటోను ఇన్స్టాలో పంచుకుంది. అయితే ఆ వ్యక్తి ముఖం మాత్రం కనపడకుండా అటువైపు తిప్పి ఉండటం వల్ల ఎవరై ఉంటారా? అని మెగా అభిమానులంతా నెట్టింట తెగ చర్చించుకుంటున్నారు. ఇదే సమయంలో మరో పోస్ట్ పెట్టిన నిహారిక అతనెవరో రివీల్ చేసింది.
అబ్బాయి ఎవరంటే..
అబ్బాయి పేరు జొన్నలగడ్డ వెంకట చైతన్య. గుంటూరులోని ఓ ప్రభుత్వ ఉన్నతాధికారి కుమారుడని సమాచారం. చైతన్య హైదరాబాద్లోని ఓ ఎంఎన్సీ కంపెనీలో పని చేస్తున్నాడట. పెద్దలు కుదిర్చిన పెళ్లి కావడం వల్ల.. నిహారిక, చైతన్య రెండు మూడు సార్లు కలిసి మాట్లాడుకున్నట్లు తెలుస్తోంది.
- " class="align-text-top noRightClick twitterSection" data="
">
ఒకరి గురించి ఒకరు తెలుసుకున్న తర్వాత.. పెళ్లికి అంగీకారం తెలిపారని సమాచారం. ఆగస్టులో నిశ్చితార్థం ఉండొచ్చని, వచ్చే ఏడాది ఫిబ్రవరిలో పెళ్లి పీటలెక్కనున్నారని తెలుస్తోంది.