జాన్ అబ్రహం.. రొమాంటిక్ చిత్రం 'జిస్మ్'తో వెండితెర ప్రయాణాన్ని ప్రారంభించాడు. తర్వాత కామెడీ సినిమాలు చేశాడు. అనంతరం యాక్షన్ చిత్రాలకు ప్రాధాన్యం ఇచ్చాడు. ఎప్పటినుంచో ఓ మంచి లవ్ స్టోరీ చేయాలని ఉందంటూ మనసులోని మాట బయటపెట్టాడిప్పుడు. మంచి కథ కోసం ఎదురుచూస్తున్నానని తెలిపాడు.
''లవ్స్టోరీ అనేది అద్భుతమైన జానర్. పూర్తిస్థాయి ప్రేమకథా చిత్రాన్ని ఎప్పటి నుంచో చేయాలనుకుంటున్నా. కానీ సరైన స్క్రిప్ట్ దొరకడం లేదు.'' -జాన్ అబ్రహం, బాలీవుడ్ హీరో
ప్రస్తుతం తన కలల సినిమా 'ఎటాక్'ను తెరకెక్కించే పనిలో ఉన్నాడీ బాలీవుడ్ హీరో. యాక్షన్ సన్నివేశాలు ఎవరైనా చేయొచ్చు.. కానీ భావోద్వేగాలు పలికించడం కష్టమైన విషయమని జాన్ అబ్రహం చెప్పాడు.
ఇటీవలే విడుదలైన 'రా (రోమియో అక్బర్ వాల్టర్)' బాక్సాఫీస్ వద్ద మంచి టాక్ తెచ్చుకుంది.
ప్రస్తుతం 'బత్లా హౌస్' పేరుతో వస్తున్న బైకర్ సినిమాలో నటిస్తున్నాడు జాన్ అబ్రహం.
