దక్షిణాది నుంచి ఎంతో మంది హీరోయిన్లు బాలీవుడ్లో తమ అదృష్టాన్ని పరీక్షించుకున్నారు. అందులో కొంతమంది ఇంకా చిత్రాలు చేస్తూ బిజీగా ఉన్నారు. అయితే లేడీ సూపర్ స్టార్ నయనతార(Nayantara) మాత్రం ఇంత వరకు హిందీలో ఎంట్రీ ఇవ్వలేదు. ఆమె ఎప్పుడెప్పుడు బాలీవుడ్లో అడుగుపెడుతుందా అని అభిమానులు ఎంతో ఆసక్తిగా ఎదురుచూస్తున్నారు. ఈ నేపథ్యంలోనే నయన్.. త్వరలోనే బాలీవుడ్ ఎంట్రీకి సిద్ధమవుతుందని జోరుగా ప్రచారం సాగుతోంది.
స్టార్ హీరో షారుక్ ఖాన్(Sharukh Khan) త్వరలోనే కోలీవుడ్ దర్శకుడు అట్లీతో ఓ సినిమా చేయనున్నారు. ఇందులో నయన్ నటించనుందని తెలుస్తోంది. ఒకవేళ ఇదే కనుక నిజమైతే ఫ్యాన్స్కు పండగనే చెప్పాలి.
నయన్.. ప్రస్తుతం 'నేత్రికన్', అన్నాత్తె', 'కథు వాకులా రెండు కాదల్', 'ఆరడగుల బులెట్' సినిమాల్లో నటిస్తోంది. షారుక్.. త్వలోనే 'పఠాన్' సినిమాతో ప్రేక్షకుల ముందుకు రానున్నారు.
ఇదీ చూడండి: 'లూసిఫర్' కథలో మార్పు.. కీలకపాత్రలో నయన్!
