నేచురల్ స్టార్ నాని 'శ్యామ్ సింగరాయ్'(shyam singha roy release date) రిలీజ్ డేట్ ఖరారైంది. క్రిస్మస్ కానుకగా ఈ డిసెంబరు 24 థియేటర్లలోకి రానుంది. ఈ విషయాన్ని సోమవారం(అక్టోబరు 18) అధికారికంగా ప్రకటించడం సహా పోస్టర్ను విడుదల చేశారు.
పీరియాడికల్, మోడ్రన్.. రెండు కలిసేలా ఈ సినిమాను తెరకెక్కిస్తున్నట్లు పోస్టర్లు చూస్తుంటే తెలుస్తోంది. కోల్కతా నేపథ్యంగా ఎక్కువభాగం ఉండనుంది. ఇందులో నాని(nani new movie) సరసన సాయిపల్లవి, కృతిశెట్టి, మడోన్నా సెబాస్టియన్ హీరోయిన్లుగా నటిస్తున్నారు. 'ట్యాక్సీవాలా' ఫేమ్ రాహుల్ సంక్రిత్యాన్ దర్శకత్వం వహిస్తున్నారు. వెంకట్ బోయనపల్లి నిర్మిస్తున్నారు.
![nani shyam singha roy release date](https://etvbharatimages.akamaized.net/etvbharat/prod-images/13385368_nani.jpg)
అయితే నాని గత రెండు సినిమాలు 'వి', 'టక్ జగదీష్'(tuck jagadish review) సినిమాలు ఓటీటీలోనే(ott movies this week) విడుదలయ్యాయి. ఎట్టకేలకు ఈ చిత్రం థియేటర్లలో వస్తుండటం వల్ల ఫ్యాన్స్ ఆనందంగా ఉన్నారు. ఆ రెండు చిత్రాలు ఓటీటీలో మోస్తరుగా అలరించాయి.