*నాని 'టక్ జగదీష్' టీజర్ మంగళవారం(ఫిబ్రవరి 23) సాయంత్రం 5:04 గంటలకు విడుదల చేయనున్నారు. రీతూవర్మ, ఐశ్వర్యా రాజేశ్ హీరోయిన్లుగా నటించారు. శివ నిర్వాణ దర్శకుడు.
*రానా-సాయిపల్లవి నటిస్తున్న 'విరాటపర్వం' తొలి లిరికల్ సాంగ్.. ఈనెల 25న విడుదల కానుంది. ఈ విషయాన్ని చెబుతూ కొత్త పోస్టర్ను పంచుకుంది చిత్రబృందం. ఇందులో కామ్రేడ్ రవన్న పాత్రలో రానా కనిపించనున్నారు. వేణు ఊడుగుల దర్శకుడు.
*విశ్వక్సేన్ 'పాగల్' చిత్రీకరణ కోసం వైజాగ్ వెళ్లారు. ప్రేమకథతో తీస్తున్న ఈ సినిమా టీజర్ ఇటీవల విడుదలై అభిమానుల్ని అలరిస్తోంది. నరేశ్ కుప్పిలి దర్శకుడిగా పరిచయమవుతున్నారు. ఏప్రిల్ 30న థియేటర్లలో చిత్రాన్ని రిలీజ్ చేయనున్నారు.
*'బచ్చన్పాండే' సెట్లో అడుగుపెట్టింది నటి జాక్వెలిన్ ఫెర్నాండెజ్. ఈ సందర్భంగా హీరో అక్షయ్ కుమార్తో దిగిన ఫొటోను ఇన్స్టాలో పోస్ట్ చేసింది. వచ్చే ఏడాది జనవరిలో సినిమా విడుదల కానుంది. ఇందులో అక్షయ్ గ్యాంగ్స్టర్గా కనిపించనున్నారు. ఫర్హాద్ సంజీ దర్శకుడు.
*దర్శక ద్వయం రాజ్-డీకే తీస్తున్న వెబ్ సిరీస్లో నటిస్తున్న రాశీఖన్నా.. వాళ్లతో తీసుకున్న ఫొటోను సోషల్ మీడియాలో పంచుకుంది. ఈ సిరీస్లో షాహిద్ కపూర్, విజయ్ సేతుపతి కీలక పాత్రలు పోషిస్తున్నారు. ప్రస్తుతం ముంబయిలో షూటింగ్ జరుగుతోంది.
ఇది చదవండి: 20 ఏళ్ల తర్వాత 'చిత్రం'కు సీక్వెల్.. తేజ ప్రకటన
