సూపర్ స్టార్ రజనీకాంత్ రాజకీయాల్లోకి రావడం లేదంటూ ఇటీవలే సోషల్ మీడియా వేదికగా వెల్లడించారు. దీంతో ఎంతోకాలంగా ఆయన పొలిటికల్ ఎంట్రీ గురించి ఎదురుచూస్తున్న అభిమానులు నిరాశచెందారు. కొందరు రజనీ నిర్ణయాన్ని స్వాగతిస్తే మరికొందరు విమర్శించారు. ఈ క్రమంలోనే టాలీవుడ్ విలక్షణ నటుడు మోహన్బాబు రజనీ నిర్ణయంపై స్పందించారు.
"రజనీకాంత్ నాకు అత్యంత ఆత్మీయుడు అన్న సంగతి మీ అందరికీ తెలుసు. తన ఆరోగ్యరీత్యా పాలిటిక్స్లోకి రావట్లేదు అని ప్రకటించాడు. ఒకరకంగా తను రాజకీయాల్లోకి రాకపోవడం మీకు, అభిమానులకు బాధ కలిగించినప్పటికీ, ఒక స్నేహితుడిగా తన ఆరోగ్యం గురించి పూర్తిగా తెలిసిన వ్యక్తిగా తను రాజకీయాల్లోకి రాకపోవడం మంచిదని నమ్ముతున్నా" అంటూ సామాజిక మాధ్యమాల వేదికగా ఓ సందేశం పోస్ట్ చేశారు మోహన్బాబు.
