టాలీవుడ్‌ సూపర్స్టార్ మహేశ్బాబు కథానాయకుడిగా తెరకెక్కిన చిత్రం 'సరిలేరు నీకెవ్వరు'. అనిల్ రావిపూడి దర్శకత్వం వహించిన ఈ సినిమా సంక్రాంతి కానుకగా విడుదలై.. మంచి టాక్‌ను సొంతం చేసుకుంది. బాక్సాఫీస్‌ వద్ద భారీగానే వసూళ్లు రాబట్టింది.
ఈ సినిమా సినిమా ప్రేక్షకుల ముందుకు వచ్చి నేటికి 50 రోజులైన సందర్భంగా... ఓ స్పెషల్‌ వీడియోను విడుదల చేసింది చిత్రబృందం. ఇందులో మహేశ్బాబు గురించి అజయ్‌.. ప్రకాశ్‌రాజ్‌కు చెబుతూ కనిపించాడు.
"కర్నూలు కొండారెడ్డి బురుజుకాడ అల్లూరి సీతారామరాజుని నేను చూసినా అన్నా. చుట్టూ 50మంది.. చేతిలో కత్తిలే, గొడ్డలిలే ఎట్టా నిలబడినాడో.. అచ్చం ఈయన లెక్కనే రొమ్మిరిసి..(అల్లూరి సీతారామరాజు గెటప్‌లో ఉన్న కృష్ణను చూపిస్తూ)" అనే డైలాగ్తో వీడియో సాగింది.
- " class="align-text-top noRightClick twitterSection" data="">
'మైండ్ బ్లాక్' వీడియా సాంగ్
ఈ సినిమాలో మాస్ పాట.. 'మైండ్ బ్లాక్' వీడియో సాంగ్ను సోషల్మీడియాలో విడుదల చేసింది చిత్రబృందం. ఇందులో మహేశ్ బాబు, రష్మిక హుషారెత్తించే స్టెప్పులతో ఆకట్టుకున్నారు.
- " class="align-text-top noRightClick twitterSection" data="">
'సరిలేరునీకెవ్వరు' సినిమా 50 రోజులు పూర్తి చేసుకున్న సందర్భంగా సూపర్స్టార్ అభిమానులు సామాజిక మాధ్యమాల్లో ఆనందాన్ని వ్యక్తం చేస్తున్నారు.
మేజర్‌ అజయ్‌ కృష్ణ పాత్రలో మహేశ్ నటించిన ఈ చిత్రంలో.. సీనియర్ నటి విజయశాంతి కీలకపాత్ర పోషించింది. రాజేంద్రప్రసాద్‌, ప్రకాశ్‌, సంగీత, అజయ్‌, రావురమేశ్‌ ముఖ్యపాత్రల్లో నటించారు. ఈ సినిమాలో మహేశ్‌కు జంటగా రష్మిక మెప్పించింది. అనిల్‌సుంకర, దిల్‌రాజు, మహేశ్బాబు ఈ సినిమాకి నిర్మాతలుగా వ్యవహరించారు. దేవిశ్రీ ప్రసాద్ స్వరాలు అందించాడు.
ఇదీ చూడండి.. అందాల వారసురాళ్లు.. మనసు దోచిన హీరోయిన్లు
