పవన్కల్యాణ్, మహేశ్ బాబు.. టాలీవుడ్ స్టార్ హీరోలు. తమ స్టార్డమ్, ఫ్యాన్ఫాలోయింగ్ గురించి వేరే చెప్పక్కర్లేదు. ఇద్దరూ ఒకేచోట కనిపిస్తే అభిమానులు పండుగ చేసుకుంటారు. అయితే ఇది నిజం కాబోతుంది. సినీ ఎగ్జిక్యూటివ్స్ యూనియన్ ఏర్పడి 25 ఏళ్లు పూర్తి చేసుకున్న సందర్భంగా ఆ వేడుకకు ముఖ్య అతిథులుగా హాజరుకానున్నారంట ఈ ఇద్దరు అగ్రనటులు.
సెప్టెంబరు 8న ఈ కార్యక్రమం జరగనుంది. ఈ విషయంపై అధికారిక ప్రకటన రావాల్సి ఉంది. చిత్రపరిశ్రమ నుంచి ప్రముఖులు, 24 శాఖలకు సంబంధించిన వారు హాజరుకానున్నారు.
15 ఏళ్ల క్రితం పైరసీని అరికట్టేందుకు ఏర్పాటు చేసిన ఓ వేదికలో వీరిద్దరూ పాల్గొని తమ గళం వినిపించారు. మళ్లీ ఇన్నేళ్ల తర్వాత ఇద్దరూ ఒకే వేదికపై కనువిందు చేయనున్నారు. గతంలో పవన్ నటించిన జల్సా సినిమాకు మహేశ్ వాయిస్ ఓవర్ ఇస్తేనే పండగ చేసుకున్న అభిమానులు ఇప్పుడు ఒకే వేదికపై వారిద్దరిని చూస్తే ఆ ఆనందానికి అవధులుండవు.
ఇది చదవండి: భాయ్ ప్రస్థానానికి 31 ఏళ్లు... ఫ్యాన్స్కు గిఫ్ట్
