ప్రస్తుతం 'డిస్కోరాజా' షూటింగ్లో బిజీగా ఉన్నాడు హీరో రవితేజ. ఆ తర్వాత సినిమా యువదర్శకుడు అజయ్ భూపతితో ఉండనుందనే వార్త వినిపిస్తోంది. ఈ చిత్రానికి 'మహాసముద్రం' టైటిల్ ఫిక్స్ చేశారని, ప్రస్తుతం ప్రీప్రొడక్షన్ పనులు జరుగుతున్నాయని సమాచారం.
గతేడాది ‘ఆర్‌ఎక్స్‌ 100’తో తొలి ప్రయత్నంలోనే విజయాన్ని అందుకున్నాడు దర్శకుడు అజయ్ భూపతి. కానీ ఆ తర్వాత మరో సినిమాను పట్టాలెక్కించలేదు. ఇద్దరు ముగ్గురు ప్రముఖ హీరోలతో చేసేందుకు ప్రయత్నించినా అవేవి కుదరలేదు. అయితే ఎట్టకేలకు రవితేజను ఒప్పించి ఈ సినిమాను ప్రారంభించేందుకు అజయ్ సిద్ధమయ్యాడు.
త్వరలో ఈ సినిమాను సెట్స్పైకి తీసుకువెళ్లనున్నారు. హీరోయిన్గా ‘సమ్మోహనం’ ఫేమ్ అదితీ రావు హైదరిని ఎంపిక చేసినట్లు తెలుస్తోంది. ఈ విషయాలపై స్పష్టత రావాలంటే కొద్ది రోజులు వేచి చూడక తప్పదు.
ఇది చదవండి: యూట్యూబ్లో రికార్డు సృష్టించిన ఇండియన్ సాంగ్
